1 Sangwenu ndeelingisana nekwendebo dzamakakwala nekwadzo.

Kwakanaka kuti nlume asitole mfumakadzi. 2 Koga nentha yelikwa kwebupombgwe, nlume umwe newumwe ngaabe nemfumakadzi uwe, nemfumakadzi umwe newumwe abe nenlume uwe. 3 Nlume ngaawalilane nhobo nemfumakadzi uwe, nemfumakadzi ayete ejalo bo kunlume uwe. 4 Ngobe mfumakadzi atolawula mbili uwe, koga unolawugwa nenlume; sayikoko bo nlume atolawula mbili uwe, koga unolawugwa nemfumakadzi uwe. 5 Musitongonyimana kuhhe kwekuti kube kuli kwelubakanyana mabvumilana, kuyetila kuti muzwipile kuntembezelo; mukobva muhangana kakale, swiyo Satane engakobva emulika nentha yesazwidziba.