5 Shɔ pɔ̃ Bituru rɛ a jahm, ama shɔ gbeteyi ãsisɨn Ɗabii i si ɓɛjo a ɗɔɔ Ɗa gakinɛ lɔsi-lɔsi au yuuni.
7 Ɓa shɔ zɛnɛni ɓa kɛɗɔn Ɗajashonɛlapa shɛrɛ a ɗɔuni, ɗɔsẽsẽ tasirɛ a jauni. A Ɗajashonɛlapa ɗii Bituru naarɛ a lakɔrɔ, yusiu laparɛ a shanɛ,<<Yunɛ! gbãgbã!>>Tɛ̃ɛ̃ti saagãnyawi tɛ̃ɛ̃rɛ a Bituru naani a tɛ̃ɛ̃ tipi. 10 Naa i tɛ shɔ nyejaa ganɛ ɗekntɛ a shɔ gbete pɛsiyɛni, ai arɛ a nyejaa saka gbete shɔ to ɓuzɨn komooyɛ, nyejau ɓelirɛ au yuu, kɛɗɔn i shɛrɛ, naa i atɛ aɗɔ gbete nyaba lanɛu doo nya aɗɔnyɛ, a ɗaukɔ tɛ̃ɛ̃ti Ɗajashonɛlapa yaa Bituru rɛ.
12 Naa Bituru zɛtɛ nankɔ, a yɛkɛ Mariyamu wɛrɛ, Yɔhana Marku ɓini gbete shɔ ɓaunɛ Maraku, aɗɔgbete shɔzɛ waanɛ i tolinya i ɗɔgbete i gaki Ɗa yɛ. 13 Bituru waa nyejaa ɓilirɛ, a jawɛrɛ gbete pɛli vishonɛ a wɛrɛuko u nii nɛ Roda arɛ nɛn kasi shɔu waa nyejaa nyapɛ. 14 A ntarɛ Bituru yeenya, kɛɗɔn ji ɓeli nyejau ɓa, ama a sɔɔ ɓuzɨn a deyinɛ aru yɛti puru gbete ntayɛ, a geliyi nɛ Bituru shitɛ a nyejaa. 15 Kɛɗɔn i geliu nɛ, A pɛ rãn yaaǃ Ukɔ ma yɛ ɗekɨn a shanɛni nɛpɛ nizɛ, kɛɗɔn i kasinya nɛ,<<Pɛ Bituru Ɗajashonɛlapa!>>
16 Ama Bituru u ɓɛjo a ɗɔɔ nyejaa waanɛ. A kɨnti ni i ɓeliu nyejaarɛ, naa i zɛutɛ, bizaayi kɛtɔ.