1 N shɔbii Yahudawayi, ɔ weshopɛ ang nyam dɔdɔrim n tasɔɔdɔɔ ruu pɛ, n ɓa shɔ ruuvini ɓa. 2 Naa mooyi ntatɛ Bulus nwariyinya a nya Aramaya i ɔ̃kɛ nyani shok; kɛɗɔn Bulus shanɛː

3 N pɛ Yahudawa, shɔ yeen a Tarsu gbete a tipi Kilikiya, ama n ba aɗɔm a Urushalima, n tɛ nyaãsinɛ tɛtɔ fɛ̃ɛm ang mati vi a Gamaliya dɔɔ, matin ko pi nya-ãsinɛ shɔpiya tɛttɔ a mauruyi nakooni, n ãsisɨn tɛttɔ Ɗalapa gɨnnɛni, nagbete ɔ kpai aɗɔm dɔdɔrim ɔ pɛliyɛ. 4 Shɔ gbeteyi gɨn nyaban yɛ n tasiyi raa tɛttɔ. N sã vɔshɔyi tɛttɔ a soroyini ang lokiyi a jaahm 5 Yupɛ̃ni lansi a wɛrɛ Ɗa a mooyi shɔruunwanɛi kpai i yɛ shitɔ ang kɨnti ni nɛn shapɛ vinizɛ. N tɛ sẽkoo jiyi nakɔ gbete shɔ beeri Yahudawayi a Damasku, kɛɗɔn n yɛrɛ n sã shɔ gbeteyi gɨn nyabauyɛ n n-tiyi Urushalima aru shɔ gɔ̃yi yusho.

6 Sin a ɗɔranɛ n atɛ ɗɔɔli a Damasku ni, atette niti, ɗɔsẽsẽ a kunyasi kolirɛ ang yuu nyau. 7 N nwesi a tipi ang nta yeenya gelin nɛ, <<Shawuluǃ -Shawuluǃ A tasin ra pi aru-iviya? 8 N hɨ nɛ, Mokaa piya Uɓeyelapa? A risinnya nɛ, Nkɔ Yesɔ shɔ nazara gbete akɛ tasiu raanɛyɛ.>> 9 Vɔshɔyi gbete si ang ɗɔbi yɛ i zɛ ɗɔsẽsẽ utɔ ama i ji nta yeenya gbete nwanya a nkɔni ɓa. 10 N hɨnɛ,<<N pɛlikɛ iviya Uɓeyelapa? Uɓeyelapa gelin nɛ, Yunɛ a yɛ ɓuzɨn Damasku, a ɗɔwakɔ shɔyɛ gelaa vigbete Ɗalapa pɔ̃rɛ naa pɛliyɛ ji ɗɔukɔ.>> 11 N ji zɛ ɗɔ tɔɓa aru ɗɔsẽsẽ gbete si waanɛyɛ, kɛɗɔn shɔ gbeteyi si nkɔniyɛ i sãn naarɛ yɛnɛ ɓuzɨn Damasku.

12 <<A ɓuzɨn komooukɔ jaa wɔɔ siɗɔn u niinɛ Hananiya arɛ ang ɗɔbii. Upɛ shɔ Ɗalapa gɨnnɛ nagbete Musa labeenɛ vimatinɛ shayɛ, shɔ Yahudawa gbete i a ɗɔuni kpai i ntau nyatɔ waanɛ. 13 Arɛ a shi ang ɗɔbii a gelin nɛ, Mazɔɔ Shawulu zɛ ɗɔ sɔ̃n nɛ tokɨn.>>A ɗaukɔ tɛ̃ɛ̃ti n zɛɗɔrɛ ang kɨnriu nɔbii. 14 Gelin nɛ, u ɓɛuriyi Ɗalapa lɔ atɛ naa zɛ u vigbete kasiyɛtɔ, a zɛ u jawɛrɛ tɔ̃vɨn a nta vigbete yɛ gelaayɛ. 15 Mɔkɔ yɛ ɔ̃rɛ u shɔshinɛkɨnti gbete yɛ geli shɔ ruu tɔ̃vɨn au yuu vigbete a zɛrɛ a ntayɛni kpai. 16 Dɔdɔrim a gaa kɛ iviya? Yunɛ shɔ pɛlaa batizima shɔu sɔkaa ruuvini pɛ a nyaba aa gakiu yɛ.

17 Naa n sɔɔ Urushalimatɛ, a ɗagbete n si ɗɔɔ Ɗa gakinɛ a wɛrɛ Ɗa, n nɔrirɛ. 18 Ang zɛ Uɓeyelapa kɛ nyanwanɛ, a gelin nɛ, <<Pɛlinɛ tɛ̃ɛti a yaa Urushalima gbãgbã, aruviya shɔ ɗɔmiyi i yɛ weshoo ɓa aa nyani ɓa a shinɛ gbete a shi ang kɨnti ni ɓa.>> 19 N kasinɛ, <<Uɓeyelapa >>I zɛ tɛttɔ fɛ̃ɛm a Yahuadwayi ɗɔ-ɔ̃nɛ n yɛ tɛttɔ n sã shɔ gbeteyi ãsisɨn aa nii n wayirɛ. 20 A ɗagbete shɔ nyo Istifanu vɔrɔ a shɔshinɛkɨnti, n ang yuu n si jo ɗɔuni, n si jo ai kɨntikɔ, a nkɔng ga shɔ gbete shɔ nyokiyi vɔrɔ fãrã rɛ. 21 Uɓeyelapa gelinɛ, <<yɛnɛ, aruiviya n yɛn sho atɔ a ɗɔkpɛlɛ a shɔ gbeteyi ɓa Yahudawa ɓa ɗɔbii.>>

22 Mooyi weshoo a Bulus nya anɛ ɗagbete sha rumyɛ; ama i ɗee yeenya lapa a gaa nya shaatinɛ nɛ, <<Ɔ yɛnɛ a wuniǃ ɔ nyo vɔrɔrɛǃ Ji tɔ̃ɓa shɔ ɗɔmiyi i ɔ̃ a suruni ɓaǃ >> 23 I yɛ ɗekɨn a nya shaatinɛni, i ɗɔ gbete i lɔri fãrã rɛ, a zaburu yusinɛni. 24 Arumkɔ yupɛ̃ni soja Roman ãsiu sojayi nyanɛ nɛi tuu Bulus yɛnɛi wɛrɛ ɔ̃nɛ, nɛi wautɔ nɔgbete yɛ geliyi kɛkn aru ivi Yahudawayi shaati nya au yuu nankɔ viya. 25 Naa i mautɛ nɛi waukɛtɔ, Bulus geli yupɛ̃ni soja gbete shi ɗɔuyɛ nɛ, <<A nɔgbete nya ãsinɛ shayɛ pɛ tɔ̃vɨn ya, shɔu waa jaa tipi Roma gbete u nyanwanɛ aɗɔn a tipiu, shɔ ji nwa ruuɓa au yuuni ɓa?>> 26 Naa sojau ntatɛ nam a yɛ u yupɛ̃ni ɗɔbii a hɨunɛ, <<A pɛli iviya? Jaam u pɛ jaa tipi Roma! >>

27 Kɛɗɔn yupɛ̃ni sojau yɛ Bulus ɗɔbii a hɨunɛ, << Gelin nɛ a pɛ jaa tipi Roma ya?>> Bulus kasiunya nɛ

Nn

28 Yupɛ̃ni sojau geli Bulus nɛ, << N kpaa nyanwanɛ tipin n shopɛ saa pẽniba.>>

Bulus kasiunya nɛ, <<Ama shɔ yeen ɓɛɛjo a tipimkɔ.>>

29 Aru nankɔ sojayi gbeteyi kasi Bulus ruu hɨlinɛ siyɛ i sɔɔkɛ knti tɛ̃ɛti, kɛɗɔn yupɛ̃ni sojau naa zɛtɛ nɛ Bulus u pɛ jaa tipi Roma yɛ seeti pɛliu kɛtɔ, aru pɔ̃ sɔ̃ntɛ shɔ ma Bulus a saganya.

30 Yupɛ̃ni sojau kasinɛn nta Yahudawayi nyayenɛ gbeteyi sha a Bulus yuu yɛ; kɛɗɔn a kali Bulus saganya rɛ a geli shɔlansi wɛrɛ Ɗa a yupɛ̃ni Yahudawayi a gãsi mooyini nɛi arɛ nɛi kpazɔɔ, a n ti Bulus rɛ ai ɗekɨn.