54 Alɔ ə̂në tshekotə̂ nə ə̂në ə ndɨ je kɔ kə yi tshekotə̂ nə ə̂në ə ndɨ ndɨ tə̂ ərə ne kɔ gâ ye, â tshekotə̂ nə ə̂në ə tshu je kɔ kə yi tshekotə̂ nə ə̂në ə tshu tshu tə̂ ərə nə kɔ gâ ye, bale ndəma əpʉ ə̂në əndje tâ gâ lə Fraka nə̂ Ndjapä kɔ sə kə mbrə nə, ə̂në ə pa:

«Awlra ə̂në ə rô kuzu gâ ye kɔ

lîwu kuzu nə gâ ye.*15.54 Wu Eza 25.8.

55 Wââ kuzu, awlra nə̂ zə nə

ə̂në ə rô pâ azü prââ kɔ sə kotâ a?

Wââ kuzu, ərə koshe nə̂ zə nə sə kotâ a?»*15.55 Wu Ɔze 13.14.

56 Ərə koshe nə̂ kuzu nə kə də̂ nyaka â awlra nyaka nə kə də̂ âgbɔ̂ əpʉ. 57 Bale, a zä mərshe kə Ndjapä nə ə̂në tshə mbrə̂ â əzə̂ ro pâ kuzu də awlra tə̂ äwä Jezu Kristə, Âgbɔ̂ Əyïngerə nə̂ əzə̂ kɔ.