Aebrʉ 8

6 Bale kpəsəye, Jezu nə rô gâ tə̂ ə̈bə̈ âgbɔ̂ kosəra ə̂në ə rô ənə̂ ə̂dû aawotokrɔ nə gâ ye mbrə ə̂në tshə sə tə əyïkɔkɔ̂ lə mbʉkʉ ə̂në ə rô angbrɔ mbʉkʉ nə gâ ye, ə̂në əpʉ nə ka gâ pâ aəpʉ ə̂në Ndjapä nə zâ ama də nə gâ ye â rô ə̂dû aəpʉ nɔ̂ gâ ye kɔ.

Ndjapä zâ ama də əpʉ ə̈bə̈ tafa mbʉkʉ

7 Kədə angbʉlî mbʉkʉ*8.7 Wu Wutu 24.3-8. nə kə sə̂ kəmə sə̂ də ə̈bə̈ əmbrʉ ərə lə nə ne, äwä kə pra ə̈bə̈ bishi nə sə̂ sə̂ kə sə kəmə je ne. 8 Mbrə ə̂në Ndjapä nə ngâ kə azü nə̂ ye nə ə pâ:

«Əyïlingû pa:

Aəlo sə kə na gu nə,

ə̂në mə sə kə mbrə tafa mbʉkʉ

də azü əgɔ Isərayalə

də azü əgɔ Juda.

9 Ə sə sə kə sə mata mbʉkʉ

ə̂në mə mbrə̂ də alabä əndje kɔ ne,

tə̂ alɔ ə̂në mə têgbɔ kəna əndje

ndə kə pa mə wutu də əndje lə əgɔ Ejipətə kɔ.

Əyïlingû pa:

Ə̂në əndje də ə̂tə̂ əndje,

əndje dâ dâka pə lə mbʉkʉ nə̂ əmə nə ne kɔ,

əmə ndje, mə sə sə kə li tshelə əmə tə̂ əndje ne.

10 Əyïlingû pa:

E wü-a, mbʉkʉ nə ə̂në mə sə kə mbrə

də azü əgɔ Isərayalə nə kɔ, mandâ aəlo səkɔ kɔ, kə səye:

mə sə kə ko aâgbɔ̂ aəpʉ nə̂ əmə gâ lə akrɔ əndje,

mə sə kə ta nə gâ tə̂ lɔsu əndje;

mə sə kə sə tə Ndjapä nə̂ əndje,

â əndje sə kə sə tə azü nə̂ əmə.

11 Ə̈bə̈ əzü bale sə sə kə yisə̂ ərə ə yi kə əzü əgɔ nə̂ ye

wala əzü bale kə aye nə bale ne,

ndə kə pa tshə wusə̂ əmə ne.

Mbrə ə̂në azü nɔ̂ ə wusə̂ əmə je,

ə vɔtə̂ nə tə̂ aya əgblə ʉrrr ndjɔ gâ tə̂ âgbɔ̂ əzü lə takpa tə̂ əndje.

12 Mbrə ə̂në mə gba tshelə anyaka nə̂ əndje je,

â mə sə sə kə li tshelə əmə kwatə̂mə bale gâ tə̂ anyaka nə̂ əndje nə ne.»*8.8-12 Wu Jer 31.31-34.

13 Ə̂në Ndjapä nə pâ tafa mbʉkʉ kɔ, angbʉlî mbʉkʉ nə dô tə̂ ye tə angbrɔ nə gâ ye. Kandää, ərə ə̂në ə sə tə angbrɔ nə ə gbɔ̂ gâ ye kɔ, ə sə kə li ə liwu.