Marcos 10

Yesu abikyɛ Balatime, bonto obolyɛ baiho

46 Bakitɛ Yeliko. Anɛ eolɛ Yesu la bakɛndi laa nde nde imonga iiko la banto buuke, bonto ɔmɔɔ obolyɛ baiho o lina Balatime, bona o loondo ooki Time, ambookihakɛ nde bokili bo ndjela kela abondelake. 47 Anɛ eokɛ nde Yesu e Nazalɛti aoleke, abobɛ: «Yesu, Bona oki Dawidi, ondjokele ihɛi!» 48 Banto buuke babuukɛ kela apilame, yaa nde abobɛ lenkina la nguya: «Bona ooki Dawidi, ondjokele ihɛi!» 49 Yesu aemalɛ mpe ahangɛ: «Lobondjetele.» Baboetɛ mpe babobelɛ: «Emala, yala la lokaho, akweta.» 50 Abokɛ ehenda eekinde, alɛmwɛ mpe akitɛ ntute la Yesu. 51 Yesu abuubolɛ: «Olanga nkele nnɔ itina ikiɛ?» Bonto uuko obolyɛ baiho abobelɛ: «Bolaki, Ndanga nyɛnɛ leenkina.» 52 Mpe Yesu abobelɛ: «Kɛndɛ, waambi bookiɛ bongokobikyɛ.» Mbala ɛmɔɔ, aunwɛ yɛnɛ mpe ayelɛ Yesu.