Marcos 3

Yesu abikyɛ bonto ɔmɔɔ nde buuna bo sabata

1 Yesu aunwɛ yɔtwa nde botumba bo lɔbɔndɔ. Bonto ɔmɔɔ owɛ lɔbɔ ayalaki aiko. 2 Bafalisaya balendɛ Yesu kaki aɔhɔ yobobikya nde buuna bo sabata, eyalaki itina iki babate ndjela yobopunda. 3 Yesu ayɛ yobela bonto owɛ lɔbɔ: «Emala aiko ntondo eki banto bankuma.» 4 Mpe abaubolɛ: «Bobeko botinda nɔ nde buuna bo sabata? yokela bɔlɔti laa yokela bobe? Yobikya bonto laa yobolyaka?» Tababounoya mbeko. 5 Yesu abalendɛ la lɔkɛlɛmɔli; aokɛ bobe ywɛnɛ ndenge epa ibɔ tabayali la ihɛi la bonto ɔnɛ oyali la nkandi, abelɛ bonto uuko: «Hembola lɔbɔ lookiɛ.» Nde mpe alohembolɛ, mpe lɔbɔ lookinde lɔbɔngɛ.