Yesu ababutolɛ mbeko nde ikambo imɔɔ ibopundaki ibɔ
22 Balaki ba bobeko baumaki Yelusalɛmɛ, batepelɛ: «Ayali la nguya eki Bezebule3, 22 Belezebule eyali imɔɔ lina iki satana wambɔ bonkondi booki belimo be bobe!» mpe bahangɛ lenkina: «Aolya belimo be bobe nde nguya eeki bonkondi bo belimo be bobe.» 23 Yesu abaetɛ mpe abapɛ ndjɛlya inɛ: «Ndenge nɔ Satana aɔhɔ yopandja Satana? 24 Nga bonkumu bɔmɔɔ booyakapola bɔkɔ kiika, bonkumu buuko tabongwemala lenkina; 25 Mpe nga bokundi bɔmɔɔ booyakapola bɔkɔ amongo, bokundi buuko tabongwemala lenkina. 26 Nga Satana aoyamunia nde amɛlɛ mpe aoyakapola, tangoyunwa ywemala, yoohila itina ikinde. 27 Bonto ɔmɔɔ apɔɔhe yɔtwa nde botumba booki bonto o nguya mpe yɔkɔhɔ byomba bikinde binkuma, nko boondola laino behinga; nkamba aopundja binkuma biyali nde botumba. 28 Ndohangela nhɔhɔlɔ, basumu bankuma baaki banto bangolibwa la bitooli binkuma binga ibɔ batoole Ndjakomba. 29 Yaa bonto onkuma ongotoola Bolimo bo bɔyɛngwa, ihumu iiko taingolibwa, ingoyala botako la botako.» 30 Yesu atepelaki ngauko itina babobelaki: «Ayali la bolimo bo bobe.»
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)