Marcos 8

Yesu alehyɛ banto nkoto inɛi

1 Nko nde biina biiko, banto buuke bahokamɛ lenkina, nga bopa ibɔ tabayala la yomba yɔlɛ, Yesu aetɛ bakɛndi la nde mpe ababelɛ: 2 «Ndjoka banto banɛ ihɛi, bookela biina behato bayali la emi ndye ɛmɔɔ, mpe bapala yomba yɔlɛ. 3 Nga nhobaunoya eka ibɔ la ndjala, bangoholwa byonge nde ndjela; itina bamɔɔ bakibɔ baumaki botale.» 4 Bakɛndi la nde babuunoyelɛ: «Nde ekele ngɔnɛ, tɔɔhɔ yobata benkuka nko kela bale mpe bakinde?» 5 Yesu abaubolɛ: «Loyali benkuka benga?» Babobelɛ: «Toyali benkuka nsambo.» 6 Nko aiko, abelɛ boloy booyalaki aiko bakihe nde babu. Akɔhɛ benkuka bɛkɔ nsambo, akumyɛ Ndjakomba, abɔmbɔlɛ mpe apɛ bakɛndi la nde kela bakapele banto bankuma. Bakɛndi la nde bakelɛ nko ngauko. 7 Bayalaki mpe la nsi i nkɛnkɛ. Mbuha eeki yɔtɔmɛyɛ nsi ikɔ bokako, Yesu abelɛ bakɛndi la nde baunwe yobakapela. 8 Balɛ mpe bakindɛ. Bakɛndi la nde baambolɛ nhandi nsambo iyoli la bimpulu biitikalaki. 9 Banto bayalaki ntute la nkoto inɛi. Nko aiko, Yesu abaunoyɛ.