32 Paloručko, koga pelo o kham, sa o manuša taro Kapernaum anena sine ko Isus e nasvalen hem e manušen so sine len demojna. 33 A anglo udar khedisalili bari gužva taro celo gradi. 34 Hem o Isus sasljargja bute manušen, so sine nasvale taro razno nasvalipe. Ikalgja bute demonen, hem na dozvolingja lenge te keren lafi, soske ola džange koj tano ov.
O Isus propovedinela ki celo Galileja
35 Tajsutno dive, rano sabajle o Isus uštilo, iklilo taro kher hem gelo ko jekh mirno than hem adathe molingja pe.
36 A o Simon hem okola so sine leja, iklile te roden le. 37 I koga arakhle le, vakerge leske: "Sarinen rodena tut!"
38 A o Isus odgovoringja lenge: "Ajde te dža ko najpašutne gava hem adathe te propovedinav, soske me adaleske alum."
39 Hem ov džala sine ki celo Galileja hem propovedinela sine ko lengere sinagoge hem ikalela sine demonen.