Mateus 1

20 Lakini paawasage panga nyo, malaika wa Bwana ngampitya kwa ndi’la yo lota, ngammakia, "Yusupu wa mwana wa Daudi, kaneuyogope kunkobeka Malia, kwa mwanjaa utopelwe wabile nawo aupatike kwa makakala ga Loo Mpeleteu. 21 Ywembe aabeleka mwana nnalu’me, nawenga wantine lina lyake Yesu, kwa mwanjaa ngaywa aakosopolya bandu bake bu’ka mumasambi gabe."

22 Ago goti gaapangike li’nga litimi li’lu' liyi’gi’yo lya Bwana kwa lilobe lya nnondoli wa Nnu’ngu' kabaya,

23 "Lingulya, mwi’nja aayi’ma ndumbo, nembe aabeleka mwana nnalu’me,

nabembe bantina lina lyake Emanueli," (lina li' lilombolya, "Nnu’ngu' pamope natwenga").

24 Yusupu paayumwike mulugono, aapangite kati mwaalagilwe na malaika wa Bwana na ngantola Malia panga nnyumbowe. 25 Lakini aantangiteli nnyumbowe mpaka Malia paapapite mwana nnalu’me, ngaantina lina lyake Yesu.