2 Pedro 2

Etgoy ige vatvatgo galgal

1 Kimi nēglal vatag so am̄ag ige lēgēlgēg galgal motog tiwag tō mi ige sil. Tō qelese nen, ige vatvatgo galgal notog se tiwag mi kimi. Kēy vatne bat navatvatne galgal a tak hethet vēh net. Kēy lēn̄lēn̄teg Welan a mēwēl yak tō kēy, ak tō so Ḡod tēvēvēg het nowmat kēy aē. 2 Woqse et tadam namtehal nonoy van lemyōs mey nehet. Tō veg kēy en, ige tohole hethet bemtehal ne hēyhēywē.*2:2 Navavap ‘namtehal ne hēyhēywē’ en, namanig nan ige Krēstēn wa Noyoy Ēwē. Nahan nan nivan den nohohole non Tigsas a mi Jon 14:6, "Ino namtehal, wa nēhēyhēywē, wa nēh." 3 Veg ige vatvatgo galgal maygay ēwē bēsēm, tō kēy mitin̄ yak ēwē hag nakaka so weseg nēdēmdēm nonmi aē. Ba Ḡod nenyē kēy vaga, wa et matbē te den kēy, so nivēvēg kēy.