Jó 12

He Tangata Rorirori Ahau

1 Nā, ka whakautu a Hopa, ka mea:

2 "He tika rawa ko koutou ngā tāngata,

ā, ka mate tahi atu te whakaaro nui me koutou.

3 Otirā, kei ahau anō hoki he ngākau he pērā anō me o koutou,

kīhai ahau i hoki iho i a koutou.

Ko wai rā te hē ana ki ēnei mea?

4 "Tōku rite kei te tangata e waiho ana hei kata mā tōna hoa,

he tangata e karanga ana ki te Atua,

ā, whakarongo mai ana tērā ki a ia;

e waiho ana te mea tika, te mea tapatahi, hei kata.

5 Kei roto i te whakaaro o te tangata,

e tau ana tāna noho, te whakahāwea ki te aituā;

e tauwhanga ana tēnā ki te hunga e paheke ana te waewae.

6 Kei te rangatira ngā tēneti o ngā kaipāhua,

ā, noho kore wehi ana te hunga e whakapātaritari ana ki te Atua;

he ope noa mai hoki tā te Atua ki ō rātou ringa.

7 "Tēnā rā, ui atu ki ngā kararehe mā rātou koe e whakaako;

ki ngā manu o te rangi, mā rātou e kōrero ki a koe;

8 kōrero atu rānei ki te whenua, ā, māna koe e whakaako;

ka whakaaturia mai anō hoki ki a koe e ngā ika o te moana.

9 Ko wai i kore te mōhio ki ēnei mea katoa,

he mea mahi tēnei nā te ringa o Ihowā?

10 Kei tōna ringa nei te wairua o ngā mea ora katoa,

te manawa hoki o ngā kikokiko tāngata katoa.

11 He teka ianei e whakamātauria ana ngā kupu e te taringa,

pērā hoki i te waha e whakarongo nei ki te reka o tāna kai?

12 Kei ngā kaumātua ngā whakaaro nui;

kei te roa o ngā rā te mātau.

13 "Kei a ia te whakaaro nui me te kaha;

kei a ia te tohutohu me te mātauranga.

14 Nanā, e wāwāhia ana e ia, kore iho e hangā anō;

e kopia ana e ia te tangata, kāhore rawa he putanga.

15 Nanā, e unuhia atu ana e ia ngā wai,

ā, kua maroke; e tukua mai ana anō e ia, ā, ka hurihia te whenua.

16 Kei a ia te kaha me te mahi tōtika;

ko te tangata tinihanga, me te tangata e tinihangatia ana, nāna.

17 E kāhakina atu ana e ia ngā kaiwhakatakoto whakaaro, he mea pāhua;

whakakūwaretia iho e ia ngā kaiwhakawā.

18 Ko te mana o ngā kīngi, wetekina ake e ia,

herea iho e ia ō rātou hope ki te whītiki.

19 E ārahina atu ana e ia ngā tohunga, he mea pāhua,

hurihia iho e ia te hunga kaha.

20 Whakakorea ake e ia he kupu mā te hunga ngākau pono,

riro ana i a ia ngā mahara o ngā kaumātua.

21 E ringihia ana e ia te whakahāwea ki runga ki ngā rangatira,

e wetekina ana e ia te whītiki o te hunga kaha.

22 E hurahia mai ana e ia ngā mea hōhonu i roto i te pōuri,

whakaputaina mai ana e ia te ātārangi o te mate ki te mārama.

23 E whakanuia ana e ia ngā iwi, ā, e hunā ana e ia;

e tohatohaina atu ana e ia ngā iwi,

ā, e whakawhāititia mai ana anō rātou e ia.

24 E tangohia atu ana e ia te ngākau o ngā rangatira o te iwi o te whenua,

ā, e meinga ana e ia kia kōpikopiko noa i te wāhi ururua kāhore nei he ara.

25 Whāwhā noa rātou i roto i te pōuri, kāhore hoki he mārama,

ā, meinga ana rātou e ia kia hūrori haere ānō he tangata haurangi."

1 Then Job answered and said,

2 No doubt but ye are the people,

And wisdom shall die with you.

3 But I have understanding as well as you;

I am not inferior to you:

Yea, who knoweth not such things as these?

4 I am as one that is a laughing-stock to his neighbor,

I who called upon God, and he answered:

The just, the perfect man is a laughing-stock.

5 In the thought of him that is at ease there is contempt for misfortune;

It is ready for them whose foot slippeth.

6 The tents of robbers prosper,

And they that provoke God are secure;

Into whose hand God bringeth abundantly.

7 But ask now the beasts, and they shall teach thee;

And the birds of the heavens, and they shall tell thee:

8 Or speak to the earth, and it shall teach thee;

And the fishes of the sea shall declare unto thee.

9 Who knoweth not in all these,

That the hand of Jehovah hath wrought this,

10 In whose hand is the soul of every living thing,

And the breath of all mankind?

11 Doth not the ear try words,

Even as the palate tasteth its food?

12 With aged men is wisdom,

And in length of days understanding.

13 With God is wisdom and might;

He hath counsel and understanding.

14 Behold, he breaketh down, and it cannot be built again;

He shutteth up a man, and there can be no opening.

15 Behold, he withholdeth the waters, and they dry up;

Again, he sendeth them out, and they overturn the earth.

16 With him is strength and wisdom;

The deceived and the deceiver are his.

17 He leadeth counsellors away stripped,

And judges maketh he fools.

18 He looseth the bond of kings,

And he bindeth their loins with a girdle.

19 He leadeth priests away stripped,

And overthroweth the mighty.

20 He removeth the speech of the trusty,

And taketh away the understanding of the elders.

21 He poureth contempt upon princes,

And looseth the belt of the strong.

22 He uncovereth deep things out of darkness,

And bringeth out to light the shadow of death.

23 He increaseth the nations, and he destroyeth them:

He enlargeth the nations, and he leadeth them captive.

24 He taketh away understanding from the chiefs of the people of the earth,

And causeth them to wander in a wilderness where there is no way.

25 They grope in the dark without light;

And he maketh them to stagger like a drunken man.