João 4

46 Yesu asɔmbɔkɔ ta Kanana ta ngando e Galilea, oho asendjaka madiba mana ma vino. Edaka ena mosali monɛnɛ o mokondji, yona odaka na mwana o nde na epeko ta Kapalanauma. 47 Ehole eokaka yo bo Yesu adongi ta Yuda aimei ta Galilea, akɛkɛ bomotanea ko amongɔnɔkɔ bo adue ta Kapalanauma tine boheledja mwana o nde momi, yona odaka na epeko epipo mbuti na bogwa. 48 Yesu abalaka na nde: «Odimakabini seko oko okaenɛni bimbete bi ngindola kaoko bingengo!» 49 Mosali monɛnɛ o mokondji abalaka na nde: «Kumu, dua pɛpɛlɛ adi mbi esada boo mwana o mbi agwɛ.» 50 Yesu amosɔmbedjaka: «Sɔmbɔ akadɛ wɛ, mwana o wɛ aheli.» Mosali monɛnɛ o mokondji adimaka mibalo mibalaka Yesu na nde ko ayanaka. 51 Iyana adaka yo ayane, basali ba nde baduaka bosakana na nde ko babalaka na nde: «Mwana o wɛ aheli!» 52 Abahɔdjɔkɔ ehole ndani esokodjaka yo bopele. Ibo bamosɔmbedjaka: «Edaki mɔkɔ, ngonga e boso ngɔngɔ i midi, ehole emokinaka pɛpɛlɛ.» 53 Sange mwana asipoaka bo edaka oko ta ngonga yena ebalaka Yesu na nde: «Mwana o wɛ aheli.» Na bea yo na bato basusu ba ndako e nde badimeaka Yesu*4, 53 Endja pongono ta Bik 11, 14; 16, 14-15, 31.. 54 Yena edaka embete e babae e ngindola ekɔkɔ Yesu, ngɔngɔ i ihule i nde ta Galilea donga ta Yuda *4, 54 Endja pongono ta 2, 11..