Marcos 6

35 Busa boimea mɔkɔmɔkɔ, batingami ba nde badoa ta dii iyo bamotɔndea bo: «Esika iyeye edii etengelenge ko busa bobangi bodipa. 36 Yanedja bato ibibi bakɛe ta miako ko na ngando dji mbuti mbuti bɛngi bakɛe ta somba leka lo boyaka.» 37 Yesu abasɔmbedja bo: «Bapani leka lo boyaka ino bɛnɛ!» Bamowadja bo: «Lokɛe ta somba leka lo boyaka na pata dji palanga mikama mibae*6, 37 Pata emɔti e palanga ta ehole eyou ebwanaka na iputi di busa bomɔti di mosali o gbie. Boindja Mat 20.2. bɛngi lobapɛ bayake?» 38 Yesu abawadja na bu bo: «Odiini na miɛmbɛ meka? Kɛaindjeni.» Ta ngɔngɔ dji boindja, bamotɔndea bo: «Lodii na miɛmbɛ mitano, ko na swi babae.» 39 Iboa Yesu abaloma bo badedje bato basusu kiki na kiki ta diko di ndjani. 40 Bato badaa na mbondo bakina kiki e mokama ko bakina kiki e tuku itano. 41 Yesu atomba miɛmbɛ mitano na swi babae, angɔdjɔ miso ta busa, asakoa Ndjakomba, abuka mwɛmbɛ, apa na batingami bakabane na bato. Akabana pongono swi babae na bato basusu. 42 Moto na moto ayaka ndenge epalaka iyo. 43 Ko batingami baandoana bikenge bi miɛmbɛ na swi ba dikaka, mitinga doomi na mibae*6, 43 Bokunedja 2 Bak 4.42-44.. 44 Bato bayaka mwɛmbɛ badaaka baami koto itano.