Hebreus 1

Nziã oyɛɛn ye baal m’ɔ̃nywã a Muaan a ndɛ

1 Me lio li tsɔɔn, Nziã áyɛɛn ãnsa bibi bvool m’emfa bibi, y’ankiɔɔn a bia-byɛ, m’ɛ̃nywã mi aliaal-ɛ̃kiɛɛn a ndɛ. 2 Kɛn a meba m’ãtsoo mã ntɔ mã, Nziã oyɛɛn ye bia-byɛ m’ɔ̃nywã a Muaan a ndɛ. Ndɛ ási ywel ye nsie me nkuul a Muaan ondɛ, bvool osuul ndɛ wu awal ɛ̃swal mi eluɔ bvieel. 3 Muaan ondɛ wu asuo emfa ki engal lweel e Nziã. Ndɛ oli emfa kyam ki eli Nziã bvool abesuo okwɛn o ndɛ nkal eluɔ bvieel me waan li Endɔɔ e ndɛ. Ke mbee a ŋ’esuɔɔl ndɛ baal m’ãbi ã bɔ, ndɛ oyebva nsɛn ke ywel, ke kuɔɔl ki elam ki Nziã-Nga-Waan.