Êxodo 18

17 तेवी मुसान हाहरोक ताह केयो, "जो काम तु किरेह तो ठिक नाह सोतो। 18 इह केरीन ते तु एने ज्या माणहे बी थाक जाती, काहाकाय ज्य काम तार केरता जुलूम काठो हे; एने तु ज्य एखालो नाह केर सिकेत।✝18:18 गिनती 11:14; व्यवस्था 1:9 19 एवी तु मारी वातुह हुमेल, मी तुवाह सेला आपथु। बोगवान तार हिऱ्यो रेय, एने तु न्या माणहान केरता बोगवानान ओंगाण जाया किरजे, एने न्यान राड्यु बोगवानान ओंगाण पोचाड्या किरजे। 20 तु न्याह बोगवानान उकुम एने नेम हिकाड़ दिज्ये, एने जी वाटे न्याह चालनो हे, तो न्याह सोमजाड़ दिज्ये। 21 पुण तु न्या आखा माणहा माय रेन ओहला एदम्याह निवाड़ ले, जा चेत्राह एती, एने बोगवानाह बिते एती, खेरला, एने नियाव केरनेन फायदाह खाराब केती एती; एने ताह एजार एजार, होव होव, पाचाह पाचाह, एने दोह दोह माणहा पोर मुखी मेल दे। 22 एने ता कुलबुखे बी माणहान नियाव किरते रेती; एने आखी मोठ मोठली राड़ तार फाय लावती, पुण आती आती राड़ीन नियाव ता सोतास केर लेती; तेवी तार वोजो फुवरो एय जाय, काहाकाय ज्यो वोजो तार हेऱ्या ता बी विसती। 23 केदी तु इहकेरीन किरहे, एने बोगवान तुवाह ओहलो उकुम आपी काय तु रोकाय सिकहे, तेवी ज्या आखा माणहे न्यान जागे हुकेह पोच जाती।"