उत्पत्ती 27

41 एसाव ते याकुबाह तान आबाख ने आपेल बोरकेतीन केरता दुसमोनाय मिल्यो; एने तो विचार किऱ्यो, "मारा आबाख ने मोरनेन टेम आहनेच हे, ओवतो मी मारा बायाख मार देह।"

42 जेवी रिबीकाह तीन जेठाला सोरा एसावान ज्यी वातु मालुम पोड़नी, तेवी ती तीन आतल्या बेटाख याकुबाह हादिन केयी, "होमेल तारो बाहख एसाव तुवाह मारनेन वाट जुवेह। 43 केरीन एवी एय मारा सोरा, मारी वात हुमेल, एने हारान गाव माय मारा बायाख लाबान फाय नाहीन जात रे। 44 तारा बायाख ने राग जाह वोर नाय उतरी, ताह वोर थोड़ाक दिह ताच फाय रिज्ये। 45 ओवतो जेवी तारा बायाख ने राग तार पोर रेन उतरी जाय, एने जो काम तु किरेल हे ताह तो विहरी जाय; तेवी मी तुवाह तारेन हादाड़ लेह, ओहलो नाय एणे जुवे काय एकुच दिह्या माहु तुमू दुया हेऱ्या सेटो एणे पोड़ी।"