यहोशु 6

यरीहो गावान खेतेम एणो

1 यरीहोन आखा फाटेक इस्राएलीन बियीन वोजेसे दाड़ीन बोंद रेना, एने कुण बाहेर आव जाव नाह केर सेकतालो। 2 उवतो बोगवान यहोशुह केयो, "हुमेल, मी यरीहोह तान राजा एने सेना बेल तारा ताबाम केर देथु। 3 एने तुमू माय जोला सिपाय हेते गावाह कोंड लिवो, एने ता गावान कावदिन एक वार फिरीन आवो। एने सोव दिह वोर इहीच केरीन केऱ्या किरज्‍यो। 4 एने हात चाकऱ्या पेटीन ओंगाण ओंगाण मेंडान हिंगान हात बिरा लेन चाले; ओवता हातवे दिह तुमू गावान कावदिन हात वार फिरज्‍यो, एने चाकऱ्या बी बिरा वाजाड़तेन चाले। 5 एने जेवी ता मेंडान हिंगान बिरा जुलूम वार वोर वाजाड़ते रेय, तेवी आखा माणहे बिरान बोल होमेलतास जोरेस बोड़ाय केरी; जेवी तुमू इहकेरीन किरहो ताहार गावान बितड़ा ओदीर जाती, एने आखा माणहे हुतरा गावाम जाती।"

6 केरीन नुन ने बिटोख यहोशु चाकऱ्याह हादिन केयो, "वाचान पेटीह उखेल लिवो, एने हात चाकऱ्या यहोवान पेटीन ओंगाण ओंगाण मेंडान हिंगान हात बिरा लेन चाले।" 7 उवतो यहोशु माणहाह उकुम आप्यो, ओंगाण जाएन गावान कावदेन फिरीन आवो; एने आथ्‍यारावाला एदमी यहोवान पेटीन ओंगाण ओंगाण चाले।