10 ଇଦାଂପାଚେ ଇ ଲେକା ସତକ୍ ଆତାତ୍ନା ଇଞ୍ଜି ପୁଚି ପାଚେ ଦାନିୟେଲ୍ ଜାର୍ ଇଞ୍ଜ ହାଚାନ୍; ତାଦି ବାକ୍ରାନି କିଟ୍କି ଜିରୁସାଲମ୍ ନିପ ମେଲା ମାଚାତ୍; ଆରେ, ହେୱାନ୍ ଆଗେ ଇନେସ୍ କିଜ଼ି ମାଚାନ୍, ହେ ଇସାବ୍ରେ ଦିନ୍ ବିତ୍ରେ ତିନ୍ ହଟ୍ ମେଣ୍ଡାଂକୁନ୍ଦିକିଜ଼ି ପାର୍ତନା କିତାନ୍ ଆରି ଜାର୍ ପର୍ମେସ୍ୱର୍ତି ଲାଗେ ଦନ୍ୟବାଦ୍ କିତାନ୍ ।
16 ହେବେ ରାଜା ବଲ୍ କିତିଲେ, ହେୱାର୍ ଦାନିୟେଲ୍ତିଂ ତାହି ସିୟଁକ୍ତି କ୍ଡଇଦ ତୁହିତାର୍ । ଆରେ, ରାଜା ଦାନିୟେଲ୍ତିଂ ଇଚାନ୍, ଏନ୍ ନିତ୍ରେ ନିତ୍ରେ ଇମ୍ଣି ପର୍ମେସ୍ୱର୍ତିନି ହେବା କିନାୟା, ହେୱାନ୍ ନିଂ ଉଦାର୍ କିଦ୍ନାନ୍ ।
22 ନା ପର୍ମେସ୍ୱର୍ ଜାର୍ ଦୁତ୍ ପକ୍ଚି ସିୟଁକ୍ତି ୱେଇ ଗେସ୍ତାନ୍ନା ଆରି ହେୱାଙ୍ଗ୍ ନାଦାଂ ମୁଡ଼େ କେତି କିୱିତାକ୍ନା; ଇନାକିଦେଂକି ହେୱାନ୍ତି ଲାଗେ ନା ଅଦସି ଚଞ୍ଜ୍ୟା ଆତାତ୍; ଆରେ, ଏ ଗାଜା ରାଜା, ଆନ୍ ନି ମୁମ୍ଦ ନେ ଇମ୍ଣାକାପା କେତି କିୱାତାଂନା ।
23 ହେବେ ରାଜା ବେସି ୱାର୍ୟା ଆଜ଼ି ଦାନିୟେଲ୍ତିଂ କ୍ଡଇଦାଂ ନିକ୍ଚି ତାହିୱାଦେଂ ବଲ୍ ହିତାନ୍ । ହେବେ ଦାନିୟେଲ୍ କ୍ଡଇଦାଂ ନିକ୍ୟାତାନ୍ ଆରି ଗାଗାଡ଼୍ତ ଇମ୍ଣାକାପା ବାନି ଗାଅ ଚଞ୍ଜ୍ୟା ଆୱାତାତ୍, ଇନାକିଦେଂକି ହେୱାନ୍ ଜାର୍ ପର୍ମେସ୍ୱର୍ତାକେ ପାର୍ତି କିଜ଼ି ମାଚାନ୍ । 27 ହେୱାନ୍ ଉଦାର୍ କିଦ୍ନାନ୍ ଆରି ରକ୍ୟା କିଦ୍ନାନ୍, ଆରେ ହେୱାନ୍ ସାର୍ଗେତ ଚିନ୍ ଆରି କାବାନି କାମାୟ୍ ପୁରା କିନାନ୍; ହେୱାନ୍ ଦାନିୟେଲ୍ତିଂ ସିୟଁକ୍ତି ବାଡ଼୍କାସ୍ଦାଂ ଉଦାର୍ କିତାନ୍ନା ।"