11 ଇବେ ହେ ଲକୁ ରଣ୍ଡାଜ଼ି ଦାନିୟେଲ୍ତିଂ ହେୱାନ୍ତି ପର୍ମେସ୍ୱର୍ତି ଲାଗାୟ୍ ପାର୍ତନା ଆରି ଗୱାରି କିନାକା ହୁଡ଼୍ତାର୍ । 12 ହେଏଚେକାଡ଼୍ଦ ହେୱାର୍ ରାଜା ଲାଗାୟ୍ ହାଲ୍ଜି ରାଜାର୍ତି ମୁନା-ବିଦି ବିସ୍ରେ ତା ମୁମ୍ଦ ଇଚାର୍, ଇଚିସ୍; ଏ ଗାଜାରାଜା, ଇମ୍ଣି ଇମ୍ଣାକାପା ମାନାୟ୍ ତିରିସ୍ ଦିନ୍ ବିତ୍ରେ ନିଂ ପିସ୍ତି ଇମ୍ଣାକାପା ପେନ୍ କି ମାନାୟ୍ତି ଲାଗାୟ୍ ପାର୍ତନା କିନାନ୍, ହେୱାନ୍ ସିୟଁକ୍ତି କ୍ଡଇଦ ତୁହିୟା ଆନାନ୍, ଏଲେଂ ର ମୁନା ଆକିତ କି ଏନ୍ ସତକ୍ କିୱାତାୟ୍ନା ? ରାଜା ଉତର୍ କିଜ଼ି ଇଚାନ୍, ମାଦିୟ ଆରି ପାରସିକର୍ତିନି ଆଟ୍ୱା ବିଦି ଇସାବ୍ରେ ହେଦାଂ ତିର୍ ଆତାତ୍ନା ।
13 ହେବେ ହେୱାର୍ ରାଜାତି ମୁମ୍ଦ ଉତର୍ କିଜ଼ି ଇଚାର୍, "ଏ ଗାଜାରାଜା, ପେଜ଼୍ୟାତି ଜିହୁଦା ହିମ୍ଣାଂ ବିତ୍ରେ ରୱାନ୍ ଜେ ଦାନିୟେଲ୍, ହେୱାନ୍ ନିଂ କିବା ନି ସତକ୍ନିକା ମୁନା ଆକିତିଂ ମାନି କିଉନ୍, ମତର୍ ଦିନ୍ ବିତ୍ରେ ତିନ୍ ହଟ୍ ପାର୍ତନା କିନାନ୍ ।"