1 Nah laisiudung ga giakkelu hezidung cai: deuceudibe Nehemiah, Hakaliah napei nah Zedekiah, 2 Seraiah, Azariah, Jeremiah, 3 Pashhur, Amariah, Malkijah 4 Hattush, Shebaniah, Malluk, 5 Harim, Meremoth, Obadiah 6 Daniel, Ginnethon, Baruch, 7 Meshullam, Abijah, Mijamin. 8 Maaziah, Bilgai, Shemaiah. Aidung decai cingkumedung da.

9 Nah Levime cai: Azaniah napei Jeshua; Henadad pautsa gade Binnui; Kadmiel; 10 nah penui sinamedung, Shebaniah, Hodiah, Kelita, Pelaiah, Hanan, 11 Mika, Rehob, Hashabiah, 12 Zaccur Sherebiah, Shebaniah, 13 Hodiah, Bani, Beninu.

14 Mina reu muiteume cai: Parosh, Pahath-Moab, Elam, Zattu, Bani, 15 Bunni, Azgad, Bebai, 16 Adonijah, Bigvai, Adin, 17 Ater, Hezekiah, Azzur, 18 Hodiah, Hashum, Bezai, 19 Hariph, Anathoth, Nebai, 20 Magpiash, Meshullam, Hezir, 21 Meshezabel, Zadok, Jaddua, 22 Pelatiah, Hanan, Anaiah, 23 Hoshea, Hananiah, Hasshub, 24 Hallohesh, Pilha, Shobek, 25 Rehum, Hashabnah, Maaseiah, 26 Ahiah, Hanan, Anan, 27 Malluk, Harim, Baanah.

28 Nah Israelme kedamedung, cingkume, Levime, herieki kekwame, lei keteime, kerecaki kilamedung, nah kedame heleuh dade Tinggwang zai gade penuikatei de keuntsam kelame leune, penui naudung, penui napeidung nah penui napuidung, ci kebamme leune, cilu kebuime, 29 Penui sinabe, penui makecime de ngngwalwe Tinggwang zai kilabe Moses dage kai kebeude nzui kera, nah sünne eh samkai kebeu pekiene, nah RAMPAUBE anui Tinggwang pe samdung de nah pe hezaidung mnei kera sampet teilu; 30 Nah anui sangme anui deudi ga lungh kebamme de anui napui dungde peulak, nah anui napeidung ziemne anui penui napui dungde luulak; 31 nah, Sabbath benai mede kemci tingba benai, deudi taiga kelunghme dade luu lak, sabbath benai maniadung nah ciu ketsamtsam zwa kera teugwang de; nah mmi hena bekum de anui deu de taktyei lak nah hepau leune ngga beudi zie.* 32 Nah, anui mmi ramsang kum anui Tinggwang ki ta ziemne hangge shekel zi cum* gade zi ge peu kerane anui hezai ge teilu: 33 kemci tangku taktyeibam de ziemne nah mei reca peumui kera, tingba ramsang keru reca teibeu kera ziemne, sabbath, keici ngyi, hengyi kedadung ziemne, nah reca kemcidung ziemne, nah kemau recadung ziemne Israelme maudung keugidi kera ziemne, nah anui Tinggwang ki heta leune ziemne.

34 Nah minadung, cingkume kakga, Levime: tsing reca ziemne, anui Tinggwang ki ga cidungde teugwang kerane, anui pautsa ki ga ziemne peting siak dau mmi ge cai mmi ge eh, anui RAMPAUBE Tinggwang de recabam ga ru kerane, hezai ga raupwa kelanzwa anui dacakdung tei;* 35 nah mmi ramsang, anui mei luhlüt kelu raitube nah matsibang leune gade petsi keikelu leune raitube RAMPAUBE ki ga teugwang kerane;* 36 nah anui name neraibe nah anui kauruinedung, nah anui meurünna nah anui hemeu mciulu raitubedung liede, hezai ga raupwa kela nzwa, anui Tinggwang ki ga mata tei kebam cingkume de ngngwa gwang beuzie.* 37 Nah anui teugwang beuzie: anui teikelu tokkui raitube nah anui recadung, nah matsi ketsam tsam pelane, zau, nah maca, cingkume ziemne, anui Tinggwang ki ga kai hekwa kecu kibung ga; nah kerei zige Levime ziemne anui deu gade lungh kelu meidung. Nah penui, Levime, penui ne namdi leune ga anui bata gu kerei zige luzie.* 38 Nah Levime kerei zige hekwa kecudau Levime Aaron dade lungh kehung cingkume de ngngwasi zie. Nah anui Tinggwang ki ga teu kerane, zi kerei teilwe zige Levime de peu kerecaki ga kai hekwa kecu kibung mabam ga teugwang zie.* 39 Kedanemene Israelme nah Levime kerecaki ga kai hekwa kecu kibung ga mine kepeu, ciu, zau nah maca, teugwang kaizie. Nah kerecaki ziemne lidung kainzeu siakte zie, nah cingkume heta tei kebammedung, nah herieki kekwamedung nah lei keteimedung. Nah anui Tinggwang ki de madaude gidi lak.