इब्री 12

5 आन तुमुहूं बेटाह्हाआ होस कोल्यी गोठी विहीरात गोयेहे के?

"माआं पोर्‍यां, प्रभुउ शिक्शाहा ओल्की मा जाअहीं,

आन तो ताहूं हेकाटे, ताहां नाराज मा ओवीही.

6 काहाके प्रभु जियापोअ मेर कोअहे,

तियाहा तो शिक्शा बी कोअहे आन जियाहा तो तियाआ बेटुह्हू कोत मानेहें, तिया हारेक जोओंहों तो थापुड़ बी देहे."

7 तुमू कठीण दुखोहो तियाआ हानेए काजे होय कोत मानित ल्या ताहां, काहाके देव बी तुमुहूं बेटेह्हे कोत मानेहे. कोडो एहेलोहो पोऱ्यो होय, जियाहा हानेए काजे थापुड़ ने पोड़तीय?✝12:7 निती 3:11,12; कायदा 8:5; 2 शमु 7:14 8 पोन जे शिक्शा आखाहाज जोड़ेहे, पोन तुमुहूं ने जोड़तीय, ताहां तुमू सिनालोअ पोर्‍ये होय खोरे पोर्‍ये कायनाहां. 9 जेहलाम दुन्यामेऱ्युउ आपाआ आब्हू जाआं हानेए कोअते थापुड़ देहे, तिहींइं बोदले आपू तियाआ आदर कोअतेहे, ताहरेए आपू आपाआ आत्मिक आब्हाआ ताबाम रोत कोइत काहा ने जिवुहूं जोवे? 10 दुन्यामेऱ्युउ आब्हू ताम जिवज्योअ होमोजोअ परमाणे थोड़ा दिहोअ कोअते शिक्शा कोअहे, पोन देव ताम आपाआ हाजाआ कोअते कोअहे, काहाके आपू बी तियाआ पवित्रतामेहें सामिल ओवुहूं जोवे एहलिही तियाआ इश्शा होय. 11 कोड्ली बी शिक्शा वाअहीं खुसी ताहरीइ नाहांज ओवती पोन दुख लागेहे, तेबी जियांहां तियी शिक्शाआ आनुभाव जोड़्युहू, तियांहां आगाड़ी जात धर्मी जिवन आन शांती जिवनोअ फल जोड़ेहे.