इब्री 9

जुनू पवित्र जागू आन नवू पवित्र जागू.

1 पेल्लीइ तियी शप्पतेम बी भक्तीइ बाप्तिमेहें सेवाआ नियम ओता, तो एक मोनवीइ बोणावल्यू एक सोकु जागू ओतू, जो यी धरतीपोर्‍युउ ओतू. 2 काहाके एक तंबू बोणायुतो, आन तिहींमेहें बेन खुली तियार कोअयीते, पेहली खुलीमेहें दिवाआ खांबू,*9:2 दिवू मेकीइलोअ हांत आथ्यु खांबू रोटू मेकीइलोअ टेबल, आन भेटेए रोटू ओतू, आन तियाहा सोकु जागू कोतेहे. 3 बिहीरी खुली पोड़दाआ फासाड़ी ओती, तिया जागाहा जाअखु सोकु जागू*9:3 जाअखु सोकु जागू परमपवित्रस्थान कोतेहे. 4 तियामेहें होनाआं देवान्यो आन शारी ओरी होनावाअहीं निपल्यी शप्पतेए पेटी आन तिहींम मान्ना पोअल्यो होनाआं बासन आन आरोनोअ डेंगार जिहींम फुलेन-फलवे आवित गोयेते आन दगड़ाआ कोड़ल्यी शप्पतेए पाटी ओती. 5 तियापोअ बेन उजलाफट करुब ओता, जे दयासनोअ टापणापोअ सावलू कोइत ओता, ओं आखो एकेक कोइत फोड़ीत कोअलोअ ओंमे वेल कायनाहां.