योहान 6

6 तिये ए गोठ फिलीप्पोहो फारकीइलाअ काजे कोयी, काहाके तो सोताहा जांअतुतो के तो कि कोअनारु होये.

7 फिलीप्पे तियाहा उत्तर आप्यो, "बेन होव सांदीइ रुप्याआ*6:7 सांदीइ रुप्या मोन्ज्ये दिनार रोटा वेसाता लेय आन हारेक जोओंहों थोड़ थोड़ा बी आपे, तेबी पुगी ने आवे."

8 तियाआ सेलामेर्‍युउ शिमोन पेत्राआ पाही आंद्रिये तियाहा कोयो, 9 "इंहीं एक पोर्‍यू होये जिया पोअ जवोअ पास रोटा आन बेन मासा होये; पोन एता माअहोंअ काजे ते काहा पुरेमे?"

10 ईसु कोयो, "माअहोंहों बोहाड़ी द्या." तियी जागेहे जाअखीलोह खोड़ ओतो: ताहां आखे माअहें बोहीत गोये; जियांमेहें एका आंदासोवाअहीं माट्योंअ गणती पास हाजार ओती. 11 ताहरुउ ईसु आथोमेहें रोटू लेदू, आन देवोहो धन्यवाद आपीत कोइत तिहीं बोहनारा माअहोंहों वाटी देदू; आन तेहेंज कोइत मासे बी वाटी देदे, आन तियांहां जेते जोवे तेतेहे जोड़्ये. 12 जेहेलाम ते खात कोइत ताराइत गोये, ताहां तिये तियाआ सेलाहां कोयो, "उगरीइल्या कुटका हाटवीत ल्या के किज वाया ने जाअहूं जोवे." 13 ताहराअ तियां हाटव्या, आन पास जवोअ रोटाअ कुटका वाअहीं जे खानारापोअ रोत उगर्‍याते, बारा टोपले पोआये.