Mateus 4

Kulengekwa kwa Ayesu

1 Ngapena Mboomo jwa Annoongo akaalongolea Ayesu mpaka palulemba aleengekwe na Lichetani. 2 Ayesu akatabha machobha makomi ncheche muhi na kilo pangali kulyee choha chela, akajemeka kubhinwa na njala. 3 Bahi, jwakuapembelea akahikila na kwaalobholela, "Handa mwenga nga mwana bha Annoongo mugalobholele maganga haga gabhee nkate."

4 Ayesu akaajangula, "Jijaandikwe, ‘Mundu ngatama kwa nkate tu, ila kwa malobhe gagalobholekwa na Annoongo.’"

5 Ngapena jwakuapembelea akaapetula Ayesu mpaka ku Chilambo cha Yelusalemu, Chilambo cha Annoongo, akaabheka nnani kundepela kunnala gwa Nyuumba ja Annoongo, 6 akaalobholela, "Handa mwe nga mwana jwa Annoongo nchigwie pahi. Kwa kubhee jijaandikwe,

‘Annoongo apakwaatuma antumichi bhabhe ligongo lya mwenga,

bhapakumpetula mmabhoko gabhenji,

nkoto kobhanduka paliganga.’"

7 Ayesu akaajangula, "Jijaandikwe kabhele, ‘Nkoto kwaalenga Hangwana, Annoongo bhinu.’"

8 Ngapena jwakumpembelea akaatola Ayesu mpaka kunani kundepela kulitombi litandamao na kwaalangia hilebhe yoha ya pachilambo na goha gakubhajila pamiho. 9 Jwakupembelea akaalobholela Ayesu, "Heye yoha imuilola mbakumpekeha handa mpakutindibhala majugwa na kunjalila nenga."

10 Penapo Ayesu akaajangula, "Nnyahule mwe jwakupembelea! Jijaandikwe, ‘Mpakwaachalila Hangwana Annoongo bhinu na kwaatumikila jonojwe jikajabhe.’"

11 Bahi, jwakupembelea akaaleka Ayesu, akaatumichi bha kunani kwa Annoongo bhakahikanga, na kwaatumikila.