João 11

21 तब मार्थाले येशुजन ऐआढोव, "औ प्रभु, नङ इलै नलिज्यान्या ताहकन ङा भाई मासिदीहोला। 22 तर आब ङा बै सन्दुङा, नङ परमेस्वर सकाए जो नीन, नङजन ऐयान्वा।"

23 येशुले नकाजन ऐआढोव, "न भाई फरि जिङदा ताइन्यालेया।"

24 मार्थाले येशुजन ऐआढोव, "ङा ऐसन्ङा, कि ना आखिरी दिनल पुनरुत्थानल फरि जिङदा ताइस्यु सोया।"✝11:24 प्रेरित २४:१५

25 येशुले नकाजन ऐआढोव, "पुनरुत्थान सनर जिबन ङाई ज्या। जोले ङाजन बिस्वास ढोव ना सिकन बै बान्चिन्यालेया। 26 ओटन जिङदाङ सनर ङाजन बिस्वास ढान्या जोबै खकैज सिन्यामाल्दी। नैति नङ ईका बिस्वास माढोनच्यो?"

27 नकाले येशुजन ऐआढोव, "औ प्रभु, ङा बिस्वास ऐढोङा, नङ सङ्सारलं रांन्या ख्रीस्ट, परमेस्वरलं ज़ा हो।"