João 2

येशु यरुशलेम मन्दिरलं हिनौ

13 यहूदीयाङल निस्तार*2:13 इस्राएलीयाङ मिस्र देसलन रापलिहौ छिम्क रांमानिन्या पर्ब=निस्तार चाड-पर्ब नेराक रा:स्यु लेऊ, ओटन येशु यरुशलेम मन्दिरलं हिनौ।✝2:13 प्रस्थान १२:१-२७ 14 येशुले मन्दिरलं यीङयाङ, शान्ढाङ सनर कचिकुरयाङ लङन्या यएन्याङ सनर रुप्या फिरिन्याङजन राचुङज्यान्या आडोएवाङ। 15 ओटन तोलोअ छिङल कोर्ला जाएस्यु येशुले यीङयाङ, शान्ढाङ, सोगलैजन मन्दिरलन आचाहारवाङ, ओटन नकाङल देस्क पल्ताइस्यु बागस फलुपस्यास्यु रुप्या फिरिन्याङल रुप्या आग्वाएस्योवाङ। 16 परेवा यएन्याङजन येशुले ऐआढोवाङ, "इलन ईका सोगलै लाङस्यु हिन्चिते। ङा बौल झिमजन बैपारल झिम ताजाएच्यो।" 17 नवाए बेला आसिइयाङै पबित्रशास्त्रलं सरसिन्या छेन यांका रांढोव, "औ परमेस्वर नझिमल नाल्ट जोशले ङाजन हिप्जिया।"✝2:17 भजनसङ्ग्रह ६९:९