João 6

53 येशुले नकाङजन ऐआढोवाङ, "मछ्यु, ङा जेजन ऐढाच्या, जे रुल ज़ाल बुल माकैच्योकन सनर आजी माओच्योकन, जेस जिबन माताइदी। 54 ङा बुल कैन्या सनर ङा जी ओन्यास अनन्त जिबन लेया, ओटन आखिरी दिनल ङा नकाङजन जिङदा जातङरा। 55 दानाङभन्या ङा बुल मछ्यु कैन्या जन्तु हो, ओटन ङाजी बै मछ्युजै ओन्या जन्तु हो। 56 ङा बुल कैन्या, सनर ङा जी ओन्या ङासकाए लिज्याया, ओटन ङा नकासं लिज्याङा। 57 जोमनलेस्यु जिङदा बौले ङाजन आपरिङ्ङु, ओटन ङा बौल कारनले बान्चिङा, नैलेस्युई ङाजन कैन्या बै ङागर्दाले बान्चिया। 58 जो भरेई स्वर्गङन लांइस्यु रांऔ, ओ नैताइन्या माङडी, जो पुर्खाङै रांकयौ ओटन बै ओयाङ सिस्यु हिन्वाङ। आका भरेई कैन्या सदाईज बान्चिन्यालेया।"