Marcos 11

काकामी भेलडुयि तोङबोङने सेयाप ताम

20 नामे हतिने ताङलि लामला राङ ढुइतुइना ख्युइ हति भेलडुयि तोङबोङला प्हाराने राङ काकामा थोङसोङ।

21 तेहि पत्रुसला हति टाम्बा लेप्सोङ, कि ख्युइ हतिला नाइसोङ, "रब्बि, तोइ, ख्युइ छार चुचुबि भेलडुयि तोङबोङनि कामसोङ।"

22 येशुयि हतिबाला जवाक पिन्दे नाइसोङ, "कजसुबाला हिछे पोर। 23 ङा ख्योएला तेम्बारे नाज्याइ, तेम्बारे रेनयि रेँ समला संका मिकिता हिन्नाङ रेँ नानाइबि ताम पुरा हुन नाइरे हिछे क्याइरे धि रिला ‘क्कते ख्योए छो छोम्मुवाला ङिल’ नाइना, ख्युइ चाला हति होङान ना।"✝11:23 मत्ति १७:२०; १ कोरिन्थि १३:२ 24 हतिचाला ङा खेला नाज्याइ, "कि मोनलामला च्हि लाँ सो खुँखुँबा होतो नाइरे हिछे कि, राङ हति खि होङान ना। 25 जब खे मोनलाम क्यक्तु लाँकिन, हतितुइना सुइ याङ विरोधला खि चिगा होएना हतिला माप कि, तेहि तेङला ला होएता खि आकि याङ खि अपराध माप किङान ना।