Marcos 7

सिरिया-फोनिकेयि पुमो

24 हतिने लाँरे खो टुरोस राङ सिदोनयि साझाम यहला पुते खिम झिकि नाङला स्युसोङ। धि ताम सुइ याङ मा चोर नाङानयि सम खो किन्दु, हिन्नाङ खो फाला त्योए माङ्युइसोङ। 25 हति भेलाला राङ पुमो झिकि ख्युइ भारेला थोइसोङ राङ लेप्ते ख्युइ काङबाला छ्या चालसोङ हति पुमोयि पोमुला भाभा ढे काकाला धु। 26 हति सिरियायि फोनिकेला क्येक्येबा ग्रिकयि पुमो झि हिना। हति पोमोयि रेँ पोमुने ढे थोन नाइरे खोला स्युवा क्यापसोङ। 27 येशुयि हतिला नाइसोङ, "ताङला पिजा पोमुला ङ्योपा पिन, चिचालानाना पिजा पोमुइ लोटा खेरते किबोला तेरयाप ल माना।"

28 तेहि हति खोला नाइसोङ, "हिना प्रभु, हिन्नाङ किबोतेबे याङ-याङ च्यिटाके च्योकचेयि हअला छाछारि तुबुतेबा सेन।"

29 ख्युइ हतिला नाइसोङ, "ख्युइ धि च्वरा नानाइबा ति चाला राङ ख्योए खिमला क्यु। ख्युइ पोमुने ढे थोन्दे पुपुता धु।" 30 हति खिमला पुइसोङ राङ पोमुला खाटाला ङ्याङ्याला ठेसोङ राङ हतिने ढेते थोन छारतु।