Marcos 7

येशुयी ताम ना मिङ्युइङान राङ मिथोइङानला टाक्तु च्युच्युका

31 टुरोसयि साने थोन्दे खो सिदोनयि लाम्ला डेकापोलिसयि सा जामयि उइने लाम्ला गालिलयि छो छोम्मुवाला पुइसोङ। 32 हतिया मितेबे नामज्यो मिथोङान झि राङ ताम न मिङ्युइङान मिला ख्युइ तेहा ख्योसोङ, राङ हति थोला लाक्पा पोर नाइरे खोला स्युवा क्यापसोङ। 33 हतिला मियि तुमने कुरु च्याङ मेते साला खेरते येशुयि रेँ झु हति नामज्योला च्युसोङ। हति च्येला छिमा ताप्ते हति च्येला चुइ क्याइसोङ। 34 तेहि तेङला यहला ताइरे उ तिङरिङमुवा झि खेरते हतिला नाइसोङ, "इफ्फाता," अर्थात "प्येरे क्यु।" 35 तेहि हति भेलाला राङ हति नामज्यो पेसोङ, राङ हति च्येयि घाघाबा प्येसोङ, राङ हति ल क्याइरे ताम ना ङ्युसोङ। 36 "धि सुलाङ माना," नाइरे ख्युइ हतिबाला आदेश पिन्सोङ। हिन्नाङ चोम-चोम ख्युइ मितेबाला आदेश पिन्दे, झन माहा केन राङ हतिबे हति घोषना क्याइसोङ। 37 मितेबा हा:लाइरे लेइराङ छक्का च्युङदु, राङ नाला छेलसोङ, "ख्युइ ताम पोरो ल क्याक्याइबा धु ख्युइ नामज्यो मिथोइङानला थोइङान राङ ताम ना मिङ्युइङानला ताम नाङ्युङान सोइसोङ।"