1 Yesɔ adi abɛ tsene maa: <<Ki yiŋ ndi duŋ aneshir alalɛ itei nyɛ, fe iner waŋ ndi inyɛ ne ŋɔk amaa abɛ zhin azhɔk tu maa. 2 Ibǝ rɛ bǝn neshire te abɛ kpau mkpaŋ nena ne tɔ te tugu azhɔk ne nek ŋgɔŋ ndi atei yi ankɔŋ ane duŋ anuŋ alalɛ. 3 Ndi amɛ tɔ zhin akpamin. <<atei ndi zumin ne lalɛ, gbaŋu atɔŋ, ate di wa ne duŋ lalɛ, zugu zhɔk. 4 Ate lau lɛ amkaŋa taŋgba ne bɛr zhin, te na diu amkpaŋa taŋgba <Mne laulɛ zuk me zhɔk,> Zuk zhu zhɔgu.>>

5 Abɛ tsene maa a di Ŋgɔŋ, na fa ŋyaŋ ta ne tanyɛmɛ mɔrɔ!>>

6 A diba, <<Izhin te tanyɛmɛ watsɔb ndi mgbyaŋ ŋklik, te di tiŋ nkunkun, <Ubǝ tun te shi ne nek ŋgɔŋ itei wɔ zhin.

7 <<Te bɛdi inuŋ ne miŋ min ayi ne igen waŋ di anau ndum kɔ akyu awanta. Ba tei di gene ndi ate nyak are ahwaŋ, <Ŋyɛ zǝ sɔŋ te li kili kai?> 8 Ndi abɛdi, <Nam kili ye amgbalu, te na sɔŋ, tem lii tena so; ndi M tei hri ukana baŋ lii tena so mi yime kai? 9 Ba tei nyer igene ndi ne zǝ kiyiŋ ndi ne di abɛ nama kai>? 10 Ndi amɛ, ate yi ndi utei na ki yiŋ ndi ne di ubǝ nai, bai di <Ba ta ne mla abɛ yi agen ba; tane nak na ndum mɔr.>>>

11 Ndi Yesɔ ayi ne ankɔŋɔ ne kɔmɔ ne Urshelima, Yesɔ Ne tsǝn ne akɔnɔsa ntun yi Samariya ben Galili. 12 Ndi ne yi ne min kɛ ntuno, aneshir awur abɛ lɔ amgbyak nga aŋɔk a yigu. Aklɛ gbagbaŋ. 13 Te aŋar kɔr te zhɔu, <<Yesɔ, Ŋgɔŋ, wɔ lɔ susun ne atu amɔr>>

14 Ndi ne yik ba, adi, <<Tsǝn, tsar zhin akpamin ben abɛ na ndum kǝ Arik. Ndi anaga kɔmɔ, akɔ rɛ.

15 Izhiin ne min mǝne, ndi ne yik wa ne rɛ, aŋur akam,te gbar Arik asak ne kɔr ŋgɔŋ. 16 Azhaku ne aza yi Yesɔ te nyeru ane yi awɔnǝ Samariya.

17 Yesɔ arib, <<Mdi ka aye aner awur mne duŋ ba rɛ? Nki amɛ tres ma ayi neme? 18 Nuŋ bane mla ne ŋurkam anyɛ gbar Arik asak ne rɛ maa ka anaga yi cen waŋa kiki mai? 19 Fena akɔ diu, <<Lu kɔmɔ; itanyɛmɛ mi ne duŋu rɛ.>>

20 Iber nuŋ, awɔnǝ Ferisawa anyɛ rib tedi ayi atenta atei yik nyɛ ikɔb kǝ Arik, Yesɔ adi, <<Inyɛ kɔb Ŋgɔŋ kɛ Arik bai shur ayi abɛ blɛ nyɛ maa ba, 21 Ka aneshir ai di, <Tɔ kǝkɛŋ, ka tɔ yuŋɔ amɔ,> te ikɔb kǝ Arik iyi ne miŋ min.>>

22 Ankyak akɔ di abɛ tsene maa, <<Mkpaŋ nyɛ ndi izhin tei shur ayi te zhin bǝ yik iber yi nyɛ Izu Neshir, ba zhin tei yik ba. 23 Aner atei bla zhin, <Tɔ yuŋ!> Duŋ klu zǝ zhine ba ka. 24 Tǝ Izu Neshir iber yi nyɛ maa itei yi ndi li nas, ndi ibu tena laŋ ne gbarshu rɛ gar nuŋ igar kɔmɔ ne gar nuŋ. 25 Nǝ kuh ti, atei yik iyah tetɛk baliŋ fe aner atei kyagu.

26 <<Ndi ne yi ne mkpaŋ kɛ Nuhu, iteina ye mee ne bɛr yi Izu Neshir. 27 Aneshir ne zen lii, te so, te hwa te ta mbǝmba igar te yir bɛr ndi Nuhu ne yir gu. Anca aŋgɔŋ anyɛ vu ba adɔmɔ.

28 <<Nǝna yi anenen ndi mkpaŋ kɛ lɔt. Aneshir ne zǝn lii te so, lɛb tena vu alɛb, atib ki tena mee. 29 Ankyak ne bɛr yiŋ ndi lɔt ne duŋ sodɔm, ilu ben aŋkliŋkla lu ne ren ahrie rɛ shu te goŋ ba bɔbɔk.

30 <<Itei ye mee ne bɛr yiŋ ndi Izu Neshir a tei Gli tu maa rumɔ. 31 Nǝ bǝn, kǝr nuŋ waŋ ndi akɔ sɔŋ ne tu ki kǝ kɔb maa, te kiki maa yi ne abɛm kǝr abɛ di wa gar vui ba. Amɛ, iwaŋ ndi ayi ne abɛm kǝr abɛ di wa agar baŋ kinuŋ ba. 32 Shuzhi iyi iwa Lɔt! 33 Waŋ ndi ate di wa akyu ivli maa, atei zhɔk kɛ adɔmɔ,fe iwaŋ di atei ku ne atɔ muŋ atei ta kɛ azhɔk. 34 Mbla zhin, aner ayaa atei kukur ne ki kur zhiin, atei baŋ zhin te duŋ zhin. 35 Amba yaa atei dɔ zen kɔk ne nena amkpa zhiin; atei baŋ nuŋ te duŋ nuŋ.>> 36 Alulum ayaa atei dɔ na ndum ne ahwaŋ: atei baŋ zhin te duŋ zhin.>> 37 <<Ne me, Ŋgɔŋ? Aba rib. A diba, <<Amkpa waŋ ndi ikum yime, utei yik angulu ne biŋe.>>