Lucas 7

Itanyɛme yi ŋgɔŋ ne tyak kum

1 Ndi Yesɔ neka bla ilɛmɛ aklɛ ne wɔ aneshir, ne yir Kafanahum. 2 Igen ayou ngɔŋ ne tyak kum nuŋ, ndi atukɔ maa anyeru ngɔŋ, ne lɔ ndi atei ku. 3 Ngɔŋ ne tyak kum ne wɔ ki na Yesɔ te shar angɔngɔŋ aneshir abɛ Yahudawa bene bɔu, te bɛ blau te bɛ gar ate na igen amaa. 4 Ndi ne gar ben Yesɔ, ne benu ŋgɔŋ, <<Ner waŋa ne te di abɛ nau te duŋu are, 5 te anyer ntun mɔr tena mee ta Akabakɔŋ.>> 6 Ankyak Yesɔ ne zǝ ba.

Bane yi gbagbaŋ ne kɔbɔ ba ndi ngɔŋ ne tyak kum ndi ne shar akpa maa te bɛ diu: <<Ŋgɔŋ, duŋ nek tu mi iya tedi utei nyɛ ikɔb muŋ ba, te bam ne mla ndi utei nyɛ kɔ muŋ ba. 7 Waŋ kiyiŋ di me ne yik bam ne mla ne nyɛ bǝn bɔu ba. Utǝ lɛ ankyak igen amuŋ atei rɛ. 8 Nga me yi ne mgbyamgbyaŋ kɛŋ ndi abɛ yine angus amuŋ, tena yi ne abɛ kpaakpa ne angus amuŋ. Mte ndi nuŋ <kɔmɔ.> Ana kɔmɔ; mte na ndi nuŋ, <Nyɛ,> Ana nyɛ. Mte ndi igen amuŋ <Na kiyiŋ,> ana nai.>>

9 Ndi Yesɔ ne wɔ me, ne sak ŋɔk ne ne ne lɛ kɛ ngɔŋ ne tyak kum, te kama tɔ aneshir abɛ tsene maa te di, <<Me blaa zhin, bam ne zen yik itanyɛmɛ ngɔŋ amɛ kɔ ne Isrela ba.>> 10 Fe abaŋ ndi ne shar bama ne kama kɔmɔ te yik igen ayou ne tyak kum ne ka rɛ.