1 Reis 17

13 Nao profet i talem long hem se, "Yu no wari, yu gohed yu wokem kakae blong yu. Be fastaem yu mekem wan smol bred long flaoa ya we i stap, yu tekem i kam long mi. Biaen yu wokem hemia we i stap, blong yu mo pikinini blong yu. 14 Hae God i God blong mifala ol laen* blong Isrel,* mo hem i talem se bambae flaoa ya i no save finis long besin blong hem, mo oel ya i no save finis long botel blong hem, gogo kasem taem we hem bambae i sanem ren i kam."