Afịd Ñkpọ A-anie Ini
1 E-enịm ini enọ afịd ñkpọ,
ye ini unam afịd ñkpọ ke idak utịn:
2 ini a-awo amanake ye ini a-awo akpaaha,
ini e-etọọhọtọ ye ini e-edọkkọdọk,
3 ini e-ewottowot ye ini e-ekọkkọkọk udọñọ,
ini e-ewuudowuut ye ini e-ebọppọbọp,
4 ini e-etuaha ayịd ye ini e-esakka imam,
ini e-efʌhọke ye ini e-enekke unek,
5 ini e-esuanna itiad ye ini e-etañña ammọ ebok,
ini e-efattafat ye ini e-etreke adifafat,
6 ini e-eyemme ñkpọ ye ini e-etreke adiyem,
ini e-enịmmenịm ye ini e-etoppotop eduọọk,
7 ini e-ewaiyawai ye ini e-ediọññọdiọñ,
ini e-edoppo uyio ye ini e-etañña ikọ,
8 ini e-emaahama ye ini e-esuahasua,
ini ekọñ ye ini emem.
11 Anye a-anam afịd ñkpọ ayaiya ke akemini ammọ. Anye a-anyʌñ anịm ini nsi-nsi ke esịd ubonawo; kpayeado,3:11 Akeme ido, kpayeado asịn ndisịme ke esịd ubon awo nọ ato do awo ndomokeed ikanna idomo ikịt se Abasi anam tọọñọ ke ntọọñọ tutu asịm utịd.