Ñwed Mbon Hibru 12

5 Nte ndufo emefre ikọ nsọọñọidem i-ikoodo ndufo nte ete akoot ayịn amọ? Anye abo,

"Yịn mmi, kuudat ntʌnọ Abasi nte mfefeere ñkpọ,

kuunyʌñ uyak esịd uduọ ke ini anye asuaha unọọ,

6 sia Abọọñ atʌnọ awo a-anye amaaha,

anyʌñ asua anọ awo a-anye adatta nte ayịn."

7 Iyọ nsọñọñkpọ nte ntʌnọ; Abasi ikama ndufo nte nditọ amọ. Sia akee nditọ ke ete imiitʌnọke? 8 Adieke ndufo imiibọọhọ ntʌnọ (ndin afịd awo e-ebọ ntʌnọ) awuọ ndufo idooho ataa nditọ. 9 Ñko, afịd ñnyịn imainie mme ete abʌkidem e-ekitʌnọke ñnyịn, ñnyịn ñko imaikpono ammọ ke ntak ado. Ke die ndin ke ñnyịn idiitre adisuuk idem nnọọ Ete mme sịbidịd, ñnyʌñ ndu uwem! 10 Mme ete ñnyịn emaitʌnọ ñnyịn ke etək-etək ini ke usʌñ a-ammọ ekekịtte ke afọn; ado Abasi itʌnọ ñnyịn ke ufọn ñnyịn, nọ ñnyịn ikeene iwuana ke nsana mma amọ. 11 Ntʌnọ ndomokeed inieghe inem ke ini afo abọọhọ anye, ado akama ubiak. Ado akem koo, anye adat idọk eti uwem ye emem asọk mbon e-emaekebọ ukpeeb ke anye.