1 Ndin mme adadusʌñ ke abio ekedʌñọ ke Yeruselem. Mbon abio se ikisʌhọ emaesịn afia adisio keed ke atu awo duob akedʌñ ke Yeruselem, adisana abio, ke ini usʌkkeed ako ekedʌññọ ke mme abio ammọ. 2 Mbon ado emaekọọm afịd mbon se ikinyịmme edidʌñ ke Yeruselem.

3 Mme adadusʌñ ekedʌññọ ke mme ikpeghe Yeruselem edo ami (usʌk nditọ Isrel, mme aku, mme Lifai, mme anamutom ke tembịd ye nditọnditọ ufọk Sọlọmọn ekedʌñọ ke mme abio Yuda, ekedʌñọ anie ufọk ammọ anie ke mme nsio-nsio abio, 4 ke ini mbon mfen e-eketooho Yuda ye Benyamin ekedʌññọ ke Yeruselem):

Ubon Yuda:

Ataiya ayịn Usaiya, ayịn Sakaraiya, ayịn Amaria, ayịn Sefatia, ayịn Mahalalel, ayịn Peres;

5 ye Maaseiya ayịn Baruk, ayịn Kol-Hose, ayịn Hasaiya, ayịn Adaiya, ayịn Yoiyarịb, ayịn Sakaraiya, ayịn Sela.

6 Ubon Peres se ikidʌñ ke Yeruselem ekedo mbon uko ikie inaañ mme ata mme itiaita (468).

7 Ke ubon Benyamin:

Salu ayịn Mesulam, ayịn Yoed, ayịn Pedaiya, ayịn Kolaiya, ayịn Maaseiya, ayịn Itiel, ayịn Yesaiya, 8 ye mme andikeene anye, Kabai ye Salai, awo ikie usʌkkeed mme edịb mme itiaita (928).

9 Yuel ayịn Sikri akedo etubom ammọ, ndin Yuda ayịn Hasenua akese ñkpọ abaña Ufa Efaak ke abio.

10 Ake mme aku:

Yedaiya; ayịn Yoiyarịb; Yakịn;

11 Seraiya ayịn Hilkia, ayịn Mesulam, ayịn Sadọk, ayịn Meraiyọd, ayịn Ahitub, etubom andise ñkpọ mbaña ufọk Abasi, 12 ye mme nsaña ammọ, e-ekenamma utom tembịd, awo ikie itiaita mme edịb mme iba (822);

Adaiya ayịn Yeroham, ayịn Pelalia, ayịn Amsi, ayịn Sakaraiya, ayịn Pasọ, ayịn Malkiya, 13 ye mme nsaña amọ, e-ekedooho mme mbọọñ ufọk, awo ikie iba mme aba mme iba (242);

Amasai ayịn Asarel, ayịn Asai, ayịn Mesilemod, ayịn Imma, 14 ye mme nsaña amọ, e-ekedooho mbon uko, awo ikie keed mme edịb mme itiaita (128).

Etubom ammọ akedo Sabdiel ayịn Hakedolim.

15 Ke mme Lifai:

Semaiya ayịn Hasub, ayịn Asrikam, ayịn Hasabaiya, ayịn Buni;

16 Sabetai ye Yoosabad, mme etubom Lifai iba, e-ekeseeghe ñkpọ ebaña utom anwa ke ufọk Abasi;

17 Matania ayịn Mika, ayịn Sabdi, ayịn Asaf, anye a-akedatta usʌñ ke ekọọm ye akam;

Bakbukia, udiana ke atu mme nsaña amọ;

ye Abda ayịn Samua, ayịn Kalal, ayịn Yedutun.

18 Mme Lifai ke adisana abio ekedo ikie iba mme anaañ mme inaañ (284).

19 Mme akpeme inuaatob:

Akub, Talmọn ye mme nsaña ammọ, ekekpemeke mme inuaatob, awo ikie keed mme ata mme duob mme iba (172).

20 Nditọ Isrel mbon ako, ye mme aku ye mme Lifai, emaeba ke afịd mme abio Yuda, ammọ keedekeed ekeba ke udeeme isọñ ammọ.

21 Mme anamutom ke tembịd ekedʌñ ke abod Ofel, ndin Siha ye Kispa ekese ñkpọ ebaña ammọ.

22 Etubom mme Lifai ke Yeruselem akedo Usi ayịn Bani, ayịn Hasabaiya, ayịn Matania, ayịn Mika. Usi akedo keed ke atu nditọ Asaf, e-ekedooho mme akwọikwọ se isisaña utom ke ufọk Abasi. 23 Mme akwọikwọ ekeba ke idak ndadusʌñ adidem, a-aketemmeke ammọ se enie edinam afịd usen.

24 Petahia ayịn Mesesabel, keed ke atu ubon Seera ayịn Yuda, akedo isʌñutom adidem ke afịd ñkpọ se ibaña mbon awo.

25 Amaado mme esịd idʌñ ye mme inwañ ammọ, ubaak mbon Yuda ekedʌñ ke Kiriad Aba ye mme esịd idʌñ amọ, ke Dibon ye mme esịd idʌñ, ke Yekabseel ye mme esịd idʌñ amọ, 26 ke Yesua, ke Molada, ke Bed Peled, 27 ke Hasa Sual, ke Beeseba ye mme esịd idʌñ amọ, 28 ke Siklak, ke Mekona ye mme esịd idʌñ amọ, 29 ke En Rimọn, ke Sora, ke Yamuud, 30 Sanoa, Adulam ye mme esịd idʌñ ammọ, ke Lakis ye mme inwañ amọ, ye ke Aseka ye mme esịd idʌñ amọ. Ntom ke ammọ ekedʌñ tọọñọ ke Beeseba tutu awuọ Abedeñ Hinọm.

31 Nditọ Benyamin e-eketooho Keba ekedʌñ ke Mikmas, Ayaa, Beteel ye mme esịd idʌñ amọ, 32 ke Anatod, Nọb ye Anania, 33 ke Hasọ, Rama ye Kitaim, 34 ke Hadid, Seboim ye Nebalad, 35 ke Lod ye Ọnọ, ye ke Kee Harasim.

36 Usʌk mme Lifai ake Yuda ekedʌñọ ke Benyamin.