1 Mme aku ye mme Lifai e-eketooho edi ye Serubabel ayịn Sieltiel ye Yọsua edoñño ami:

Seraiya, Yerimaiya, Esra,

2 Amaria, Maluk, Hatus,

3 Sekanaiya, Rehum, Meremọd,

4 Iddo, Kinetọn, Abiya,

5 Miyamịn, Madia, Bilka,

6 Semaiya, Yoiyarịb, Yedaiya,

7 Salu, Amok, Hilkia ye Yedaiya.

Mbon ami ekedo mme etubom mme aku ye mme nsaña ammọ ke ayio Yọsua.

8 Mme Lifai ekedoñño Yesua, Binui, Kadmiel, Serebia, Yuda, ye Matania ñko, anye ye mme nsaña amọ ekese ñkpọ ebaña ikwọ ekọọm. 9 Bakbukia ye Unni, ye mme nsaña ammọ, ekeda esak iso ese ammọ ke itie ukpeme.

10 Yọsua akedo ete Yoiyakịm,

Yoiyakịm ado ete Eliasịb,

Eliasịb ado ete Yoiyada,

11 Yoiyada ado ete Yọnatan,

ndin Yọnatan ado ete Yadua.

12 Ke ayio Yoiyakịm, mbon e-ekedooho mbọọñ ubon mme aku edo ami:

ake ubon Seraiya, Meraiya;

ake Yerimaiya, Hananaiya;

13 ake Esra, Mesulam;

ake Amaria, Yehohanan;

14 ake Maluk Yọnatan;

ake Sekanaiya, Yosef;

15 ake Harim, Adna;

ake Meremọd, Helkai;

16 ake Iddo, Sakaraiya;

ake Kinetọn, Mesulam;

17 ake Abiya, Sikri;

ake Miniamịn ye ake Moadia, Paltiel;

18 ake Bilka, Samua;

ake Semaiya, Yehọnatan;

19 ake Yoiyarịb, Matenai;

ake Yedaiya, Usi;

20 ake Salu, Kalai;

ake Amok, Ebee;

21 ake Hilkia, Hasabaiya;

ake Yedaiya, Netanel.

22 Mme mbọọñ ufọk mme Lifai ke ayio Eliasịb, Yoiyada, Yohanan ye Yadua, ye ake mme aku, emaewet esịn ke ñwed ke ini ukara Dariọs awo Pesia. 23 Ekewet mme mbọọñ ufọk ke atu nditọ Lifai tutu akewuọ ini Yohanan ayịn Eliasịb esịn ke ñwed mbʌk usen edem. 24 Ndin mme etubom mme Lifai ekedo Hasabaiya, Serebia, Yesua ayịn Kadmiel, ye mme nsaña ammọ, ake ekedaaha esak iso ese ammọ adinọ itooro ye ekọọm, ñkañ keed emaekwọ ñkañ keed ebọọrọ, naña Defid awo Abasi aketemme.

25 Matania, Bakbukia, Obadaiya, Mesulam, Talmọn ye Akub ekedo mme akpeme inuaatob ake ekekpemeke mme ufọk ubonoñkpọ ke inuaatob. 26 Ammọ ekenam utom ke ayio Yoiyakịm ayịn Yọsua, ayịn Yosadak, ye ke ayio Nehimaiya adaukara ye Esra aku, andikpeeb Mbed.

27 Ke ini udiọñ ndibene Yeruselem, emaeyem mme Lifai ke nte ammọ ekedʌñọ enyʌñ eben ammọ edi Yeruselem nọ edidia usọrọ udiọñ ndibene ke idaara ye mme ikwọ ekọọm ye ñkukwak ke mme simbal, mme ekpa ye mme ndidoudʌk. 28 Emaenyʌñ ekoono mme akwọikwọ eto ñkanñkʌk Yeruselem edi, eto mme esịd idʌñ mbon Netofa, 29 ke Bed-Kilkal, ye ke ñkañ Keba ye Asmafed, sia ammọ mbon ikwọ emaebọp ntək idʌñ ekanna Yeruselem ekʌk. 30 Ke ini mme aku ye mme Lifai emaekenam idem ammọ esana, ammọ emaenam mbon awo esana, enyʌñ enam mme inuaatob ye ndibene esana.

31 Ami mmaanam mme adadusʌñ ke Yuda edọọk anyọñ ndibene. Mmaanyʌñ nnịm ikpọ ñka ikwọ iba adinọ ekọọm. Keed akena nte adọọk anyọñ ndibene ke ubọk nnasia, ke ubeñ Inuaatob Ifịm. 32 Hosaiya ye ubaak mme adadusʌñ ke Yuda emaekeene ammọ, 33 ye Asaria, Esra, Mesulam, 34 Yuda, Benyamin, Semaiya, Yerimaiya, 35 ye usʌk mme aku ekekamake adukpoñ, ye Sakaraiya ayịn Yọnatan, ayịn Semaiya, ayịn Matania, ayịn Maikaiya, ayịn Saku ayịn Asaf, 36 ye mme nsaña amọ: Semaiya, Asarel, Milalai, Kilalai, Maai, Netanel, Yuda ye Hanani, ekama mme ñkpọ ikwọ naña Defid awo Abasi aketemme. Esra andikpeeb Mbed akeda iso udịm ado. 37 Ke Inuaatob Idịm Mmọọñ ammọ emaekaa iso edọọk udodukod Abio Defid ke itie ake ndibene adọọhọ enyʌñ esaña anyọñ-anyọñ itie ufọk Defid ekewuọ Inuaatob Mmọọñ ke edem usakkautịn.

38 Ayọhọ ñka ikwọ iba ekedʌk nsakiso. Ami mmaakeene ammọ ndọọk anyọñ ndibene, nsaña ye mbakka iba mbon awo, ibọhọ Tọwa mme Ofen ikiwuọ Ñnwaña Ndibene, 39 ikaaña Inuaatob Ifrem, Inuaatob Yesana, Inuaatob Iyak, Tọwa Hananel ye Tọwa Ikie, tutu akewuọ Inuaatob Edọñ. Ammọ emaeketuak eda ke Inuaatob Ukpeme.

40 Mme ñka ikwọ iba ado ekenọọhọ ekọọm emaedat itie ammọ ndin ke ufọk Abasi; ami ñko mmaanam ntoro, dian ye ubaak mme adaaha, 41 ye mme aku ñko, Eliakịm, Maaseiya, Miniamịn, Maikaiya, Elioenai, Sakaraiya ye Hananaiya, ekama adukpoñ ammọ, 42 ye Maaseiya, Semaiya, Eliasa, Usi, Yehohanan, Malkiya, Elam ye Esaa. Mme ñka ikwọ ado ekekwọ ikwọ ke ndadusʌñ Yesrahaiya. 43 Ndin usen ado ammọ emaewa ikpọ uwa, edaara sia Abasi amaanọ ammọ akwa idaara. Mme ibaan ye ntəkayịn emaenyʌñ edaara. Emaetie ke anyan usʌñ ekop ñkpo idaara ke Yeruselem.

44 Ke ini ado emaesio mme awo edise ñkpọ ebaña mme ubeed ubono mme enọ ake etịbe, akpa mfịd ye keed ke itie duob. Akena nte ammọ ekoono udeeme mme aku ye ake mme Lifai ke mme inwañ ke mme abio edidọñ ke mme ubeed ubonoñkpọ ado naña Mbed aketañ, sia Yuda amaanem esịd ye mme aku ye mme Lifai ekesañake utom do. 45 Ammọ emaenam utom Abasi ammọ ye utom adinam asana, mme akwọikwọ ye mme akpeme inuaatob emaenyʌñ enam ñko, kpa naña Defid ye ayịn amọ awodeen Sọlọmọn eketemme. 46 Ke anyan ini ko-o, ke ayio Defid ye ake Asaf, emaesinie mme adadusʌñ enọ mme akwọikwọ enyʌñ enie enọ mme ikwọ itooro ye ekọọm Abasi. 47 Ke ntoro ke ayio Serubabel ye ake Nehimaiya, afịd Isrel emaetịp ndidia se ikem ke usen ke usen se enọ mme akwọikwọ ye mme akpeme inuaatob. Ammọ emaenyʌñ enịm udeeme mme Lifai mbon ako, ndin mme Lifai emaenịm enọ nditọ Erọn.