13 Anwumabɔvolɛ ne zele ye kɛ, "Zɛkalaya, mmasulo! Mera mebaha meahile wɔ kɛ Nyamenle ɛdie wɔ nzɛlɛlɛ ne, na ɛ ye Ɛlezabɛte bawo ralɛ nrenyia! Na ɔwɔ kɛ ɛto ye duma Dwɔn. 14 Ɛ nee ɛ ye bɛ mu nwiɔ bɛ nye balie kpole kpalɛ wɔ mekɛ mɔɔ bɛbawo kakula ne la, na menli somaa ne ala nee bɛ a bali zɔhane fɛlɛko ne a. 15 Ɔluakɛ ɔbayɛ Awulae menli mgbole ne mɔ anu ko. Ɔnle kɛ ɔno nza menlemenle anzɛɛ nza anu ɛsesebɛ biala, na Sunsum Nwuanzanwuanza ne bayi ye tɛkɛɛ bɔbɔ kolaa na bɛawo ye.