21 Ama enyene ini emi mbufo ekedade nsan nsan ye Abasi, ekenyuñ edi mme asua Esie, ke ntak mme idiọkñkpọ emi mbufo ekenamde, ekenyuñ ekerede. 22 Edi ke emi, ke ntak ñkpa obukidem emi Eyen Esie akakpade, Abasi akabade anam mbufo edi mme ufan Esie, man otodo Enye ada mbufo ke edisana, ke mfọn-mma idaha, ye ke idak unana ndudue, oduk iso Esie. 23 Ana mbufo ekaka iso ke akpanikọ ke edida ke itiat idakisọñ emi ọsọñde idem onyuñ enyenede iwuk, ndien ekuyak enyeñe mbufo edorode ke idorenyin emi mbufo ekenyenede ke ini emi mbufo ekekopde Eti Mbuk uwọrọ ufin emi. Edi ke ntak Eti Etop emi ke ami Pọl, ñkabade ndi asañautom Eti Etop emi ekwọrọde enọ kpukpru owo ke ofuri ererimbot.