1 राज़ै 1

सुलैमान बणाअं राज़अ

11 इहअ शूणीं डेऊअ नातान गूर सुलैमाने ईज बेतशेबा सेटा संघा लागअ पुछ़दअ, "ताखा बी लागअ थोघ कि हागीतो शोहरू अदोनियाह आसा गअ द ऐबै आप्पू ई राज़अ बणी? राज़ै दाबेदा का निं ऐहा गल्‍लो थोघ बी आथी!✝1:11 2 शमू. 12:24 12 ज़ै तूह आपणीं अर आपणैं शोहरूए ज़िन्दगी बच़ाऊंणी च़ाहा, तै आसा ताल्है मेरी एही सलाह कि 13 तूह लअ एकी बारी राज़ै दाबेदा सेटा लै डेऊई संघा पुछ़ तेऊ, ‘मालक, तंऐं मुल्है इहै कऊंलै बच़न निं आथी दैनै दै कि ताह बणाणअं मेरअ शोहरू सुलैमान आप्पू बाद राज़अ? तेतो ऐबै कै हुअ? तै किल्है गअ अदोनियाह राज़अ बणी?’