14 यहूदे राज़ै हिजकिया ढाकी सह च़िठी दूते हाथा का पोर्ही संघा पहल़ी। तेखअ डेऊअ सह बिधाते भबना लै संघा डाही सह च़िठी खोल्ही करै बिधाता सम्हनै। 15 तेखअ किई तेऊ बिधाता सेटा एही अरज़, "हे इज़राईले परमेशर बिधाता, तेरअ आसन आसा फैंखा आल़ै स्वर्ग दूता प्रैंदै। सारअ भ्रमंड अर तेथ ऐहा पृथूई बणाणैं आल़अ आसा तूह ई। सारै संसारा प्रैंदै आसा तूह ई एक्कै परमेशर। 19 ऐबै हे परमेशर बिधाता, अश्शूरी राज़ै का बच़ाऊ हाम्हां ऐबै तूह आप्पै, ताकि संसारै सोभी देशा का थोघ लागे कि तूह ई आसा बिधाता एक्कै।"
ईशायाह दैनअ राज़ै लै समाद
(ईशायाह 37:21-38)
35 तैहा ई राची डेऊअ बिधातो एक स्वर्ग दूत अश्शूरी सैने डेरै तिन्नें खिम्भे दला जैंदरी अर तेथ पाऐ एक लाख पजैस्सी हज़ार शूरबीर मारी। ज़ांऊं दुजै धैल़ै दोत्ती तिंयां होर उझ़ुऐ, तिन्नैं भाल़ी धरनीं ल्हासा ई ल्हासा पल़ी दी।