लूका 1

13 पर स्वर्ग दूतै बोलअ जकर्या लै, "जकर्या, तूह निं डरै आथी, प्रभू हेरी तेरी प्राथणां शूणीं अर तेरी बेटल़ी इलीशिबा का हणअ तेरअ एक शोहरू, तूह डाहै तेऊ शोहरूओ नाअं जोहन्‍ना।" 14 ताह हणीं तेऊ करै नंद अर खुशी, होरी बी भेटणीं खास्सै मणछा तेऊए ज़ल्म हणैं करै खुशी। 15 किल्हैकि सह हणअ प्रभू सम्हनै महान। तेऊ निं कधि दाखो रस अर शराब झुटणअ, सह हणअ आपणीं माए ओदरा ई का पबित्र आत्मां करै भर्हुअ द।✝1:15 इफि. 5:18; पांच़ 13:4-5 16 तेऊ फरेऊंणै इज़राईला का खास्सै मणछ परमेशर बिधाता बाखा लै। 17 सह डेऊणअ प्रभू आजू-आजू शगती अर पबित्र आत्मां दी एलियाह गूरा ज़िहअ ताकि सह सैणैंओ मन्‍न तिन्‍नें लान्हैं बाखा लै फरेओए अर परमेशरे हुकम नांईं मनणै आल़ै मणछा धर्में समझ़ एछे अर प्रभू लै एक धर्मीं परज़ा बणाईं सके।✝1:17 मला. 4:5-6