3 किल्हैकि हई सका कि बगैनी बेटल़ी होए च़ाऐ मखीरा ज़ेही मिठी,

अर तेसे माख्खू होए च़ाऐ घिऊ ज़िहै,

4 पर तेतो नतिज़अ आसा इहअ कि सह निं तम्हां लै

नागदौणा ज़ेही कल़बिश अर दाह का सुआई किछ़ै छ़ाडदी।

5 सह पजैल़ा तम्हां सुरगै,

ज़ैहा बाता सह बेटल़ी हांढा, सह आसा मौता बाखे बात।

6 एही बेटल़ी निं तैहा बाता हांढदी ज़ेथ ज़िन्दगी आसा,

सह आसा च़ंदरी अर तैहा का निं आप्पू ई का थोघ हंदअ कि तैहा लै किज़ै आसा हंदअ लागअ द।

7 लान्हैंओ, मेरी गल्‍ला शूणां,

मेरी इना गल्‍ला निं तम्हैं कधि बिस्सरी आथी।

8 एही बेटल़ी का रहै तम्हैं दूर ई!

तम्हैं निं तेसे दुआरे डेहल़ा नेल़ बी डेऊई!

9 इहअ करै हणअ थारअ आपणअ ज़ुआनीओ अदर खतम

अर आपणीं बाकी ज़िन्दगी बी करनी तम्हां इहअ करै नर्दैई लोगे बशै।