எகிப்துடன் பயனற்ற ஒப்பந்தம்
1 "பிடிவாதமுள்ள என் பிள்ளைகளுக்கு ஐயோ கேடு!"
என்று யெகோவா அறிவிக்கிறார்.
"ஏனெனில் அவர்கள் என்னுடையதல்லாத திட்டங்களைச் செயல்படுத்துகிறார்கள்.
என் ஆவியானவரினாலன்றி உடன்படிக்கை செய்து,
பாவத்திற்குமேல் பாவத்தைக் குவிக்கிறார்கள்.
2 என்னிடம் அறிவுரை கேளாமல்
எகிப்திற்குப் போகிறார்கள்.
அவர்கள் பார்வோனின் பாதுகாப்பின்கீழ் உதவிகோரி,
எகிப்தின் நிழலில் அடைக்கலம் தேடுகிறார்கள்.
3 ஆனால் பார்வோனின் பாதுகாவல் உங்களுக்கு வெட்கமாகும்;
எகிப்தின் நிழல் உங்களுக்கு அவமானத்தைக் கொண்டுவரும்.
15 இஸ்ரயேலின் பரிசுத்தரும் ஆண்டவருமாகிய யெகோவா சொல்வது இதுவே:
"மனந்திரும்பி, என்னில் அமர்ந்திருந்தால் உங்களுக்கு இரட்சிப்பு உண்டாகும்;
அமைதியிலும் நம்பிக்கையிலுமே உங்களுக்கு பெலன் உண்டாகும்,
ஆனால் நீங்கள் அதில் ஒன்றையுமே ஏற்க விரும்பவில்லை.