Isaías 53

4 உண்மையாகவே அவர் நமது வேதனைகளை ஏற்றுக்கொண்டு,

நமது நோய்களையும் குறைகளையும் சுமந்தார்.

அப்படியிருக்க, நாமோ அவர் தமக்காகவே இறைவனால் அடிக்கப்பட்டு,

அவரால் தாக்கப்பட்டு, துன்புறுத்தப்பட்டார் என எண்ணினோம்.

5 ஆனால், அவரோ எங்கள் மீறுதல்களினிமித்தம் ஊடுருவக் குத்தப்பட்டார்,

எங்கள் அக்கிரமங்களுக்காகவே அவர் நொறுக்கப்பட்டார்;

நமக்கு சமாதானத்தைக் கொண்டுவந்த தண்டனை அவர்மேல் வந்தது,

அவருடைய காயங்களினால் நாம் குணமாகிறோம்.