ஏசாயா 55

10 மழையும் உறைபனியும் வானத்திலிருந்து கீழே இறங்குகின்றன;

அவை பூமிக்கு நீர்ப்பாய்ச்சி,

அதில் முளையை எழும்பப்பண்ணி வளரச் செய்யாமல்

அவை திரும்பிச் செல்வதில்லை.

எனவே அவை விதைப்பவனுக்கு விதையையும்,

உண்பவனுக்கு உணவையும் கொடுக்கின்றன.

11 என் வாயிலிருந்து வெளிவரும் வார்த்தையும் அப்படியே இருக்கிறது:

நான் விரும்பியவற்றைச் செய்து,

நான் அதை அனுப்பிய நோக்கத்தை நிறைவேற்றாமல்

அது வெறுமையாய் என்னிடம் திரும்பி வராது.