1 ober ich bin, in ershtn yor fun Daryavesh fun Madai, oifgeshtanen far an onhalt un far a shtarkeit tsu im.

2 un atsund vel ich dir onzogen dem emes. ze, noch drai mlochim veln oifshtein fun Paras, un der firter vet farmogn groise eshires mer fun ale; un vail er vet shtark zain durch zain eshires, vet er dervekn alemen akegn malchut Yavan. 3 un a melech a gibor vet oifshtein, un vet geveltikn a groise geveltikeit, un vet ton loit zain viln. 4 un az er vet oifshtein, vet zain meluche tsebrochn vern, un vet tseteilt vern tsu ale vintn fun himel, ober nisht tsu zaine nochkumer, un nisht azoi vi zain geveltikeit vos er hot geveltikt; vorem zain meluche vet oisgevortslet vern, un far andere, nisht far di dozike.

5 un der melech fun dorem vet vern shtark, ober einer fun zaine harn vet zich shtarkn iber im, un vet geveltikn; a groise geveltikeit vet zain zain geveltikeit. 6 un in sof fun di yorn veln zei zich baheftn; un di tochter fun dem melech fun dorem vet kumen tsu dem melech fun tsofn, kedei tsu machn an oisglaich, ober ir orem vet nisht onhaltn di macht; oich er un zain orem vet nisht bashtein; un zi, un di vos hobn zi gebracht, un der vos hot zi geborn, un der vos hot gehaltn mit ir, veln ibergegebn vern, in yene tsaitn.

7 ober einer fun di ritlech fun ire vortselen vet oifshtein oif zain ort, un er vet kumen oifn cheil, un vet araingein in der festung fun dem melech fun tsofn, un er vet oisfirn kegen zei, un vet baikumen. 8 un oich zeyere Elokim, mit zeyere gegosene getsn, mit zeyere glustike keilim fun zilber un gold, vet er brengen in gefangenshaft kein Mitsrayim; un er vet yorn lang avekshtein fun dem melech fun tsofn. 9 un er vet kumen in dem kinigraich fun dem melech fun dorem, ober er vet zich umkeren in zain land.

10 un zaine zin veln zich oifrirn, un zei veln ainzamlen a sach groise chaiolut, un er vet kumen un vet fleitsndik durchgein; dernoch vet er viderkern, un milchome haltn biz tsu zain festung. 11 un der melech fun dorem vet vern derbitert, un er vet aroisgein, un vet milchome haltn mit im, mit dem melech fun tsofn; un yener vet oifshteln a groise machne, ober di machne vet ibergegebn vern in zain hant. 12 un vi er vet aveknemen di machne, azoi vet zich derheibn zain harts, un er vet machn faln tsendliker toiznt, ober er vet nisht goiver zain. 13 un der melech fun tsofn vet vider oifshteln a machne greser fun der ershter; un in sof fun a tsait yorn vet er kumen mit a groisn cheil, un mit fil farmeg.

14 un in yene tsaitn veln fil zich shteln akegn dem melech fun dorem, un di farsheite yungen fun dain folk veln zich derheibn oiftsushteln di zeung, ober zei veln geshtroichlt vern. 15 un der melech fun tsofn vet kumen, un vet onshitn an erdval, un vet batsvingen di shtot fun festungen; un di orems fun dorem veln nisht kenen bashtein, un zain geklibene manshaft vet nisht hobn kein koiech tsu bashtein. 16 un der vos vet kumen oif im, vet ton loit zain viln, un keiner vet nisht bashtein far im; un er vet shtein in dem sheinem land mit farlendung in zain hant. 17 un er vet kern zain ponem tsu kumen in macht iber zain gantsn kinigraich, un vet machn mit im an oisglaichenish, un vet im gebn a yungfroi, kedei es tsu tseshtern; ober dos vet nisht bashtein, un es vet nisht vern zains. 18 un er vet kern zain ponem tsu di indzelen, un er vet batsvingen fil, ober a firsht vet machn oifhern zain lesterung; nein, er vet noch umkeren zain lesterung oif im alein. 19 un er vet kern zain ponem tsu di festungen fun zain eigenem land, ober er vet geshtroichlt vern un faln, un vet zich mer nisht gefinen.

20 un oif zain ort vet oifshtein einer vos vet machn durchgein a driker durch der pracht fun dem kinigraich; ober in a kurtser tsait vet er tsebrochn vern, un nisht in tsorn, un nisht in milchome. 21 un oif zain ort vet oifshtein a nivze, vos me hot nisht aroifgeton oif im dem glants fun meluche; un er vet kumen in mitn fun sholem, un vet krign di meluche mit glate reid. 22 un di orems fun der fleitsung veln avekgefleitst vern fun far im, un zei veln tsebrochn vern, un oich der firsht fun bris. 23 un noch dem vi me vet zich farbindn mit im, vet er bagein a batrug; un er vet shtaign un vern shtark mit vintsik folk. 24 in mitn fun sholem un in di feste erter fun der medine vet er kumen, un er vet ton vos zaine eltern un zaine elterns eltern hobn nisht geton; roib un fang un farmeg vet er funandertseshitn tsu zei; un akegn festungen vet er oisklern zaine tachbulos, ober nor biz a tsait. 25 un er vet dervekn zain kraft un zain mut akegn dem melech fun dorem mit a groisn cheil; un der melech fun dorem vet zich aroisrirn in milchome mit zeyer a groisn un shtarkn cheil; ober er vet nisht bashtein, vorem me vet oisklern akegn im tachbulos. 26 un di vos esen zain shpaiz, veln im tsebrechn, un zain cheil vet men avekfleitsn, un fil dershlogene veln faln. 27 un dos harts fun beide mlochim vet zain tsum beizn, un bai ein tish veln zei redn lign, ober es vet nisht baglikn, vorem a sof iz noch faran tsu der bashtimter tsait. 28 un er vet zich umkeren in zain land mit a grois farmeg, un zain harts vet zain akegn dem heilikn bris; un er vet opton, un zich umkeren in zain land.

29 in der bashtimter tsait vet er vider kumen kein dorem, ober dos letste mol vet nisht zain azoi vi dos ershte. 30 vorem shifn fun Kittim veln kumen oif im, un er vet aingeshrokn vern, un vet zich umkeren, un er vet tserenen oif dem heilikn bris, un vet oisfirn; un az er vet zich umkeren vet er achten oif di vos farlozen dem heilikn bris. 31 un orems fun im veln oifshtein, un veln farshvechn di mikdash festung, un zei veln opton dem shtendikn korben, un veln arainshteln di umverdikeit vos tsegroilt. 32 un di vos farbrechn kegen bris, vet er machn zindik durch glate reid; ober dos folk vos ken zain G-t, vet zich haltn fest, un vet oisfirn. 33 un di farshtandike fun folk veln machn fil tsu farshtein; ober zei veln faln durchn shverd, un durch flam, un durch gefangenshaft, un durch roib, fil teg. 34 un az zei veln faln, veln zei geholfn vern a klein hilf; un fil veln zich baheftn tsu zei mit glate reid. 35 un fun di farshtandike veln faln, kedei tsu laitern tsvishn zei, un tsu klern, un tsu reiniken, biz der tsait fun kets; vorem es vet noch gedoiern biz der bashtimter tsait.

36 un der melech vet ton loit zain viln, un er vet zich derheibn un zich greisn iber itlechn G-t, un akegn dem G-t fun di g‑ter vet er redn farshait; un er vet baglikn, biz der tsorn vet zich endikn; vorem vos iz nigzar gevorn, muz geshen. 37 er vet oich nisht achten oif di g‑ter fun zaine eltern, un oif der glustikeit fun froien, un oif kein G-t vet er nisht achten, nor iber alemen vet er zich greisn. 38 nor dem G-t fun festungen vet er ton koved oif zain ort; yo, a G-t vos zaine eltern hobn nisht gekent, vet er ton koved mit gold un mit zilber, un mit taier geshtein, un mit glustike zachn. 39 un er vet arbeten oif shtarke festungen mit a fremdn G-t, tsu di vos er vet onderkenen vet er mern koved; un er vet zei machn geveltikn iber filn, un erd vet er zei tseteiln tsum loin.

40 un in der tsait fun kets, vet zich tsunoifshtoisn mit im der melech fun dorem, un der melech fun tsofn vet shturemen oif im mit raitvegn, un mit raiter, un mit fil shifn; un er vet kumen in di lender, un vet fleitsndik durchgein. 41 un er vet kumen in dem sheinem land, un fil lender veln faln, nor di dozike veln nitsl vern fun zain hant: Edom, un Moav, un der hoiptteil fun di kinder fun Amon. 42 un er vet oisshtrekn zain hant oif di lender, un dos land Mitsrayim vet nisht antrunen vern. 43 un er vet geveltikn iber di shatsn fun gold un zilber, un iber ale glustike zachn fun Mitsrayim; un di Luvim un di Kushim veln zain tsu zaine trit. 44 ober herungen fun mizrech un fun tsofn veln im dershrekn; un er vet aroisgein mit grois grimtsorn tsu fartiliken un tsu farvistn fil. 45 un er vet oifshteln di getseltn fun zain palats tsvishn di yamen un dem barg fun heiliker sheinkeit. un er vet kumen tsu zain sof, un keiner vet im nisht helfn.