1 un in tsveitn yor fun Nevuchadnetsars meluche hobn zich Nevuchadnetsarn gecholemt chaloimes, un zain gaist iz geven tserudert, un zain shlof iz im tsebrochn gevorn. 2 hot der melech geheisn rufn di chartumim, un di tsoibershprecher, un di mechashfim, un di Kasdim, kedei zei zoln zogn dem melech zaine chaloimes; un zei zainen gekumen, un hobn zich geshtelt faran melech. 3 hot der melech tsu zei gezogt: mir hot zich gecholemt a cholem, un main gaist iz tserudert, tsu visen dem cholem. 4 hobn di Kasdim geredt tsu dem melech in Aramish: eibik lebn zol der melech! dertseil dem cholem tsu daine knecht, un mir veln zogn dem pitron. 5 hot zich opgerufn der melech un hot gezogt tsu di Kasdim: di zach iz bai mir fest: oib ir macht mich nisht visen dem cholem un zain pitron, vet ir in shtiker tsehakt vern, un aiere haizer veln gemacht vern far misthoifns. 6 oib ober ir vet zogn dem cholem un zain pitron, vet ir krign fun mir matonus un baloinungen un grois koved; nor zogt mir dem cholem un zain pitron. 7 hobn zei geentfert a tsveit mol, un gezogt: zol der melech dertseiln dem cholem tsu zaine knecht, un mir veln zogn dem pitron. 8 hot zich opgerufn der melech un hot gezogt: gevis farshtei ich az ir vilt gevinen tsait, vail ir zet az di zach iz bai mir fest, 9 az oib ir macht mich nisht visen dem cholem, iz bloiz ein mishpot far aich; vorem ir hot opgemacht tsu zogn far mir lign un batrug, biz di tsait vet zich endern. derum zogt mir dem cholem, un ich vel visen az ir kent mir basheidn zain pitron. 10 hobn di Kasdim geentfert faran melech un gezogt: nishto a mentsh oif der erd vos ken zogn di zach fun dem melech; vorem kein groiser un machtiker melech hot nisht farlangt aza zach fun kein chartum, oder tsoibershprecher, oder Kasdim. 11 un di zach vos der melech farlangt iz shver, un kein anderer vos ken dos zogn far dem melech iz nishto, achuts di Elokim vos voinung iz nisht mit bashefenishn fun fleish.

12 iber dem iz der melech in kaas gevorn, un er hot shtark getsernt, un hot bafoiln umtsubrengen ale chachomim fun Bavel. 13 un der bafel iz arois, un di chachomim hobn gezolt geteit vern, un me hot gezucht Danieln un zaine chaverim zei tsu teitn. 14 dentsmol hot Daniel geentfert mit klugshaft un seichel Aryoch dem eiberlaibvechter fun dem melech, vos iz aroisgegangen teitn di chachomim fun Bavel. 15 er hot zich opgerufn un hot gezogt tsu Aryoch dem hoiptman fun dem melech: far vos iz der bafel azoi shtreng fun far dem melech? dentsmol hot Aryoch gemacht visen Danieln di zach. 16 iz Daniel aroifgegangen un hot gebetn baim melech, az er zol im gebn tsait, kedei tsu zogn dem melech dem pitron.

17 dentsmol iz Daniel avekgegangen in zain hoiz, un hot gemacht visen di zach tsu zaine chaverim, Chananyahn, Mishaeln, un Azaryahn. 18 kedei zei zoln betn Rachamim bai G-t fun himel vegen dem dozikn sod, az Daniel un zaine chaverim zoln nisht umgebracht vern mit di iberike chachomim fun Bavel. 19 dentsmol iz der sod antplekt gevorn Danieln in a zeung fun der nacht. hot dentsmol Daniel geloibt G-t fun himel. 20 Daniel hot zich opgerufn un hot gezogt:

geloibt zol zain der nomen fun G-t

fun eibikeit biz eibikeit;

vorem chochme un gevure zainen zaine,

21 un er bait di tsaitn un di tkufut;

er shaft op mlochim, un shtelt oif mlochim;

er git chochme tsu di chachomim,

un kenshaft tsu di vos kenen farshtandikeit.

22 er antplekt di tifenish un di farborgenish,

er veis vos in der fintsternish

un di lichtikeit rut bai im.

23 dich, G-t fun maine eltern,

tu ich danken un loibn,

vos du host mir gegebn chochme un gevure,

un host mich atsund gemacht visen

vos mir hobn gebetn fun dir;

vos di zach fun melech hostu undz gemacht visen.

24 fun vegen dem iz Daniel aroifgegangen tsu Aryochn, vemen der melech hot geshtelt umtsubrengen di chachomim fun Bavel; er iz gekumen un hot tsu im azoi gezogt: zolst nisht umbrengen di chachomim fun Bavel; fir mich aroif far dem melech, un ich vel zogn dem melech dem pitron.

25 dentsmol hot Aryoch aroifgefirt Danieln oif gich faran melech, un hot tsu im azoi gezogt: ich hob gefunen a man fun di goles-kinder fun Yehudah, vos vet dem melech machn visen dem pitron. 26 hot der melech zich opgerufn tsu Danieln vos zain nomen iz geven Belteshatsar: kenstu mich machn visen dem cholem vos ich hob gezen, un zain pitron? 27 hot geentfert Daniel far dem melech, un hot gezogt: dem sod vos der melech farlangt kenen kein chachomim, tsoibershprecher, chartumim, shternzeer, dem melech nisht zogn. 28 ober faran a G-t in himel vos antplekt soides, un er hot gelozt visen dem melech Nevuchadnetsar vos vet geshen in di letste teg. dain cholem, un di zeungen fun dain kop oif dain geleger, zainen ot-vos: 29 dir, melech, zainen aroifgekumen reionut oif dain geleger, vos vet geshen noch dem, un der vos antplekt soides hot dich gelozt visen vos vet geshen. 30 un ich, nisht vail in mir iz do mer chochme fun ale lebedike, iz mir der doziker sod antplekt gevorn, naiert kedei me zol dem pitron machn visen dem melech, un zolst farshtein di reionut fun dain hartsn.

31 du, melech, host gezen, ersht es shteit a gevaltike geshtalt. di dozike geshtalt iz geven grois, un ir glants iz geven oisnamik; zi iz geshtanen far dir, un ir onblik iz geven mordik. 32 di dozike geshtalt, ir kop iz geven fun taiern gold, ir brust un ire orems fun zilber, ir boich un ire lendn fun kuper, 33 ire shenklen fun aizn, ire fis, teil fun zei fun aizn un teil fun zei fun leim. 34 hostu gekukt biz a shtein hot zich opgerisn on emitsns hant, un hot geshlogn di geshtalt oif ire fis fun aizn un leim, un hot zei tseshtoisn. 35 dentsmol zainen tseshtoisn gevorn in einem dos aizn, di leim, dos kuper, dos zilber, un dos gold, un zei zainen gevorn azoi vi shprei fun zumershaiern, un der vint hot zei avekgetrogen, un kein tseichn iz fun zei nisht gefunen gevorn. un der shtein vos hot geshlogn di geshtalt iz gevorn a groiser barg, un hot ongefilt di gantse erd.

36 dos iz der cholem; un mir veln zogn far dem melech zain pitron. 37 du, melech, der melech fun mlochim, vos der G-t fun di himlen hot dir gegebn meluche, raichtum, un shtarkeit, un koved, 38 un vu nor es voinen mentshnkinder, chayes fun feld, oder foiglen fun himel, hot er gegebn in dain hant, un dich gemacht geveltikn iber zei alemen – du bist der kop fun gold. 39 un noch dir vet oifshtein an ander meluche, nideriker fun dir, un noch an andere a drite meluche, fun kuper, vos vet geveltikn iber der gantser erd. 40 un a firte meluche vet zain shtark azoi vi aizn; vorem aizn tseshtoist un tsehakt altsding, un azoi vi aizn vos tsebrecht, azoi vet zi ale di dozike tseshtoisn un tsebrechn. 41 un vos du host gezen di fis un di finger, teil fun zei teperleim un teil fun zei aizn batait: es vet zain a geteilte meluche, un fun der festikeit fun aizn vet zain in ir, azoi vi du host gezen aizn tsunoifgemisht mit erdleim. 42 un di finger fun di fis, teil fun zei aizn un teil fun zei leim bateitn: a teil fun der meluche vet zain shtark, un a teil fun ir vet zain tsebrochn. 43 un vos du host gezen aizn tsunoifgemisht mit erdleim: zei veln zich tsunoifmishn durch dem zomen fun mentshn, ober zei veln zich nisht baheftn eins on andern, ot azoi vi aizn misht zich nisht ois mit leim. 44 un in di teg fun di dozike mlochim vet der G-t fun di himlen oifshteln a meluche vos vet eibik nisht tseshtert vern, un di meluche vet nisht ibergelozn vern tsu kein ander folk; zi vet tseshtoisn un fartiliken ale di dozike meluchut, un zi vet bashtein oif eibik. 45 vegen vos du host gezen vi fun barg hot zich opgerisn a shtein on emitsns hent, un hot tseshtoisn dos aizn, dos kuper, di leim, dos zilber, un dos gold – dos hot der groiser G-t gelozt visen dem melech vos noch dem vet geshen; un gevis iz der cholem, un emes iz zain pitron.

46 dentsmol iz der melech Nevuchadnetsar gefaln oif zain ponem, un er hot zich gebukt tsu Danieln; un er hot bafoiln tsu brengen an opfergeshank un shmekedike richut tsu im. 47 der melech hot zich opgerufn tsu Danieln, un hot gezogt: emes az Elokeichem iz Elokei Elokim, un der Adon fun mlochim, un der antpleker fun soides, az du host gekent antplekn dem dozikn sod. 48 dentsmol hot der melech grois gemacht Danieln, un hot im gegebn fil groise matonus, un im gemacht far geveltiker iber der gantser medine fun Bavel, un far dem hoiptforshteyer iber ale chachomim fun Bavel. 49 un Daniel hot gebetn baim melech, un er hot oifgezetst Shadrachn, Meshachn, un Aved-Nego, oif der firung fun der medine fun Bavel; un Daniel iz geven in toier fun melech.